感恩每一个曾经伤害自己的人 陈宇琛：呢一行要付出好大嘅努力同坚持

今年是石修之子陈宇琛（Sam）入行18年，昨日他在IG留言，分享自己这些日子在娱乐圈工作的点滴，不过因为想讲的说话实在太多，于是乎Sam分了两部份去写！Sam表示当日离开了TVB后，他曾经在中大修读建筑硕士学位，同时间亦在一间建筑公司实习，虽然当时读得轻松，不过最满足的生活，原来是在HKTV的经历：「系好满足，系我演艺生涯中，第一次真正得到作为artist需要嘅照顾。见返好多TVB 台前幕后并肩作战嘅旧同事，亦被安排做男一，一套剧接一套，而第一套剧嘅对手系影帝影后。过到新环境，有监制话喺旧公司好想同我合作，觉得我可造性高。台前幕后都有好多沟通，个感觉系大家都有一团火，想创新同制作高质素嘅节目俾大家睇。因为咁我嘅演技有机会突破！」

但日子只维持了两年便告终：「我决定要靠自己向外发展，向幕后制作埋手，因为呢一个系我锺意做戏之外，入行嘅初心。起初系圈内朋友介绍由低做起，慢慢身边有好多伯乐睇到我嘅潜质，鼓励我开自己公司 - 制作广告，event，电影。一开公司就已经接到几个国际性嘅大型广告同events，但压力好大，因为我真系零back up。几经辛苦终于搵到自己嘅世界，生存嘅空间。」

但Sam坦言从未有想过，即使在不同范畴工作，仍然听到有行家无缘无故话自己本来做电影行业，但无做系因为「你老豆喺呢行」，最后他决定为免因人事复杂而影响了团队的努力，于是决定付出所有一齐做好project，结果赢尽口碑，直到近年，他又终于可以有机会参与幕前工作：「拍《男排女将》系HKTV拍《四年B班》嘅旧同事推荐我饰演黄金sir呢个角色。我亦好认真去做足功课，感恩大家对黄金sir嘅爱护。开头有啲紧张，因为好耐无拍剧，希望自己可以发挥得好，可以为团队同拍档add value。因为呢几年幕后嘅工作，自然反应系要照顾大家，所以同台前幕后嘅团队，尤其系一班年轻人都倾得好投契。」

最后Sam还说：「Life is a marathon, I’m still giving my all to my career and this industry. 感谢大家对我嘅付出，感恩入行18年真心对待我嘅人。曾经伤害过我，当面多次say no 嘅人，我都要多谢佢哋，因为我学识自爱、自强。呢一行嘅路真系非常之难，无论你来自任何嘅背景，成功唔系必然，都要付出好大嘅努力同坚持。You must maintain a very balanced mental state and stay sane. I truly appreciate all the ups and downs in my life. I will keep striving. And may God continue to be my guidance, allowing me to persevere and protect the people I love with His love .」