Juicy叮｜同居两个月男友「原形毕露」唔做家务 女网友求救惹议

正所谓「相见好同住难」，有女网民近日于讨论区发文，主题为「同居好攰，因为另一伴太懒」，指她与男朋友同为打工仔，早两个月开始同居，基本上男朋友负责交租，支付水电费，另外再给她5,000元作生活杂费及买餸钱，而她则负责买餸、煮饭、洗碗、拖地、洗衫晾衫。

女网友指，他们居住的单位属开放式，仅二百多尺，所以每天拖地非常容易，她亦不介意做。当初男朋友应承她会帮助执屋晾衫，惟同居仅两个月便「原形毕露」，「佢每日放工等食，食完就坐或摊，有时食完饭又食生果，万一佢食完摊咗上床，堆垃圾就只放咗喺枱，而垃圾桶啲垃圾又会放到听日，洗好啲衫又唔会晾，因为佢已经瞓咗。」

女网友明白男朋友已负责家庭大部份开支，亦了解他工作辛苦，放工后非常疲累，但坦言自己亦很累，曾尝试要求男友改变，甚至双方因此发生争执及冷战，但问题一直未解决，「佢任我闹唔嬲，但我日日为咗咁嘈自己心情都唔舒服，我有谂过就放喺度乜都唔做，就大家都唔好做……我真系好攰，继续点样行落去」，于是向各位网友求救。

多名网民都呼吁她「睇开啲」，指她的男朋友已支付5,000元家用，若她真的很累，可以将这笔款项拿来请钟点或工人，「佢已经养起你大半，仲想点？世事无完美。」「一同生活就系咁。互相体谅。 唔好小事化大。」「始终两个唔同嘅人生活一齐系需要磨合。」

不过，亦有人留言讃扬她，觉得她脾气很好，容忍力一流，但坦言若男朋友一直没有改进，奉劝她不如回家居住，「完咗约就分手啦。」「同居就系体验共同生活习惯。今日如此，日后只会变本加厉，三思。」

来源：亲子王国