Juicy叮｜网上以35元转售贵价二手奶粉 港妈：开咗食过两次
2021-08-25 12:28 
网上妈妈群组不时会有人转售或转赠育婴用品，以免造成浪费；不过各位妈妈又敢唔敢要二手奶粉呢？有港妈日前以35元出售贵价奶粉，但就表示该罐奶粉已开封并「食过两次」，引起网民热议！
有网民向社交媒体Facebook专页「生仔要考牌系列」投稿，指见到有港妈在网上以35元转售一罐400克的贵价奶粉，并表示「22年到期，开咗食过两次」，希望在沙田围港铁站交收。投稿者不禁表示「悭得一蚊得一蚊系列，为咗悭，为咗唔造成浪费，究竟可以去到几尽？」
帖文引起网民热烈讨论，不少人批评该名港妈没有卫生意识，「其实开咗罐，卫生都成问题」、「连罐入面啲嘢有冇俾人调包都成问题，边个敢买？」、「啲奶粉已经潮咗」。另外有网民质疑该罐奶粉已经开封，最多只能保存一个月，并非帖文中提到2022年才过期，又指相中奶粉不止「食过两次」，「冇咗咁多，每次20安奶啊？」
资料来源：「生仔要考牌系列」FB
關鍵字
最新回应