参考开拍管理层真人骚揭秘　王祖蓝：拍出嚟好睇到不得了

2021-08-31 23:00

王祖蓝今年2月回巢出任TVB「首席创意官」，主力做管理工作。他日前由内地返港，趁隔离期间与马来西亚女主持颜薇恩及潘毖伶于IG开直播，三人倾了接近个半小时。不少网友提到祖蓝的经典作《老表，你好嘢》，他却自爆只剩与蔡卓妍（阿Sa）合作的电影《给我一天》未上映，之后将会息影：「冇演出啦！呢啲全部都系我嘅遗作，仲剩一套同阿Sa两年前拍嘅电影，到现在都未出街。嚟紧我都冇作品啦，做咗管理工作之后，我哋呢啲老人家都冇㗎啦，最紧要培育下一代，无谓阻住个地球转。」

于直播中，潘毖伶提到荷里活近年流行拍管理层真人骚节目，问祖蓝跟TVB管理层可会考虑？祖蓝笑言：「首先呢样嘢要其他管理层同意，如果其他高层都畀埋你睇，就真系好睇喇！咁多年TVB高层嘅谣传系咪真？点样雪藏一个人呢？我以前点被人雪藏？点样加人工？点样减骚钱？我终于知道点解，嗰啲拍出嚟真系好睇到不得了，但我真系接受唔到罗！」