【独家】网上晒「胸器」惹变态留言谭淇淇见过吴亦凡未获「选妃」

2021-08-31 23:54

网络红人兼女Rapper谭淇淇（Kiki）喺IG有近8万粉丝，除咗鬼马介绍音乐、潮流、吃喝玩乐外，仲会P图帮自己「升 cup」，出post大晒「胸器」，咁惹火自然容易惹嚟变态留言，甚至有人出价30万请佢陪老板去韩国出席音乐节，不过Kiki见钱唔开眼：「我都唔值钱，我畀人嘅快乐系免费嘅！」采访：方骞平摄影：张咏森场地：deROYAL

做咗4年KOL嘅谭淇淇明白到网上系睇流量嘅世界，广告客户只会睇like数，所以经常po养眼性感相，她大笑说：「啲相冇前冇后唔靓嘛！睇落会好似一团LuLu猪，要着得靓去尊重件衫！」因为咁，Kiki吸咗一啲变态Followers，她自爆收集咗个「奇语录」：「有人留言『如果Kiki帮我戴避孕套就好！』哈！佢要求好搞笑，太卑微喇！仲有个代入埋个人职业留言话『究竟斩几多烧味先可以同Kiki共度一晚春宵？』真系好有创意，不过我尊重言论自由唔会block佢哋，因为尊重系自己畀自己嘅。」

觉得自己唔值30万
系网上行走咗咁多年，最爆系有人出价30万港元搵佢陪老板去韩国出席音乐节：「咪玩啦！呢啲只系放卧底落去试探吓，我唔排除同行会有人咁做，因为每人选择唔同，大家百份百唔使怀疑我有做过，平心而论，谭淇淇值50万？就算5万、5千都要谂吓啦！」她于2017年参加《中国有嘻哈》时见过星级导师吴亦凡，但她属潘玮柏一组，同吴亦凡只系远远见过面，而佢亦有靓女参赛朋友曾获邀去饮嘢，但对方同她性格一样好尊重男朋友，结果冇下文。