庆幸有朋友陪追梦 姚焯菲：冇谂过自己可以行到今日

姚焯菲（Chantel）在TVB歌唱比赛《声梦传奇》中，虽然不敌炎明熹（Gigi）而屈居第二，不过她的人气依然强劲，试过凭《恋爱预告》被网民大赞，点撃率已超过四百万，同时她更被不少广告商睇中，成为广告界的宠儿！日前Chantel应「See See TVB」FB专页邀请，以师姐身份呼吁大家报名参加第二届《声梦》比赛。

在大萤幕上看到之前拍下的一段短片，Chantel立即一脸尴尬地笑，不时用双手遮住块面，搞笑兼可爱，接着听到片中的Chantel自问自答地说，「我讲咩好呀？你俾我谂吓先，我真系讲唔到呀！唔知点解好想喊呀！」她更加不自在，后来更搞笑地说：「我怀疑嗰日饮咗咖啡，所以情绪就会有啲失控，可唔可以CUT咗佢呀？」

主持人问到Chantel有否记得当初参加《声梦》的目的，她想了一会说：「其实落手报名系因为真系锺意唱歌，冇谂其他原因，同埋觉得呢个系好好嘅机会去试其他嘢，就算唔入都好，可以参观吓TVB！到入咗第一round之后，唔知点解有一种动力好想去完成呢个比赛！」Chantel更坦言没有想过自己可以行到今日，没有想过大家会着紧这件事：「慢慢同Yumi（锺柔美）、Windy（詹天文）同Gigi（炎明熹）佢哋friend咗之后，真系好彩有呢班朋友陪住，如果唔系每日都会好惊罗，有咗佢哋就会安心啲。」

当中最大的得着，Chantel说：「一定系识到呢班朋友，好耐都冇试过，即系有咁一大班嘅朋友，个个都做到friend，一齐去追梦，好似唔系得自己一个咁孤单。」再问有否后悔过参加比赛？Chantel说：「其实有㗎，当我好眼瞓嘅时候，我就会话：『唉！早知唔参加喇！我就可以返屋企瞓觉。』如果我冇参加比赛，呢一刻应该会喺屋企打机食嘢或者做功课！」她续说：「而家嘅生活系好充实，对我嚟讲系好事，因为我好锺意忙，唔锺意冇嘢做呢个感觉！」最后Chantel向未报名的朋友作出呼吁：「当你自己未俾人发掘你嘅可能性之前，一定会有啲唔知做乜嘢嘅感受，但系当你入咗嚟之后，会有人同你讲有乜嘢可能性、你边方面系叻，佢就会慢慢帮你增强嗰样嘢，你就可以变成SuperStar。」