艺人悼念丨陈庭欣闻衞世辉死讯伤心落泪 陈贝儿：好唔开心

TVB非戏剧节目监制及经理衞世辉今早突然因心脏病发离世，终年62岁。陈庭欣与衞世辉合作无间，她在拍摄时收到噩耗，哽咽说:「放饭时知道，所有人都食唔落饭，接受唔到。我最后一次见辉哥是奥运(节目)...接受唔到。」她表示参选2010年港姐后与辉哥合作很多，很多慈善节目辉哥都找她担任司仪，十分不舍得辉哥。

陈贝儿表示：「收到呢个消息系非常之突然，辉哥一直以来畀好多机会我，我哋最后一次合作就系奥运节目，当时我刚刚响内地拍完嘢有高山反应，赶住返来要做奥运开幕礼，辉哥都好关心我嘅身体，不停话要小心身体，如果唔舒服要出声，请假都无所谓架！佢好关心我。奥运开幕礼当日，我记得响一厂门外撞见辉哥好开心，咁搵佢影相，因为闭幕礼大家做得好开心合作完满，佢仲同我讲：『傻女！化完个妆先影啦！大把机会影。』估唔到这张相就系我哋嘅最后合照，依家谂返转头唔知讲乜好，辉哥系一个大好人，每次合作有佢响度都系good show，希望辉哥一路好走，亦好感激辉哥畀我每一次的机会。」

陆浩明则表示由有线到TVB与衞世辉多次合作，他指辉哥是早期《#后生仔倾吓偈》的节目监制，今早得知对方离世消息，他说:「好突然，悲伤难过。佢为人好好，同佢合作很多大骚，华姐、台庆颁奖礼、慈善节目等，佢好照顾幕前同事，系一个好nice嘅高层。(知不知对方有心脏病？)完全唔知道。我想慰问佢嘅家人，节哀顺变。」

朱凯婷（Heidi）从同事口中得知衞世辉离世，伤心哽咽说:「2001年我参选港姐，辉哥是当年港姐嘅监制，佢睇住我入行20年，系我好尊敬嘅监制。当年未卸任时佢话我个样好适合做司仪，这句说话我一直记到依家，证明佢好有慧眼。佢给予好多鼓励、意见，比机会我做大型节目。佢为人低调，好照顾同事。上星期知道卫世辉筹备一年一度嘅节目巡礼，佢约定我做司仪。最后合作系奥运节目，经常见到卫世辉，佢弗咗好多，知道佢戒咗汽水，注重饮食，食得清淡，我仲鼓励佢继续努力...知道噩耗接受唔到。佢畀好多机会艺人，好感激他。」

林晓峰表示：「今日下午透过旧同事知道得知「辉哥 」衞世辉离去！我十分难过，希望辉哥家人保重。我刚入TVB，辉哥给予我很多机会，当我工作量不多时 ，辉哥亦十分照顾我，我心中永记！希望所有辉哥的朋友延续辉哥对所有事情的精神，亦是对辉哥一个最大的致敬。祝愿大家身体健康！」

与衞世辉于TVB共事30多年的TVB制作部非戏剧分部经理何小慧，透露从曾志伟口中得知卫世辉因心脏病发离世的消息，亦知道他本身有心脏病。她说：「噚日大家先见过面，仍有返工，仲跟同事有讲有笑，原本今日有会议要开，但知道佢要做身体检查便取消了会议！」她表示刚收到这个噩耗，第一个感觉是不相信，因为太突然没有心理准备及先兆。她说：「佢除咗今日原本要开会外，仲会跟同事外出睇景，30几年喺大型综艺节目经常合作，大家会轮住参与唔同大骚。」何小慧更大赞卫世辉为人开朗，跟太太十分恩爱。她说：「佢个人简单又低调，但好锺意食嘢！都会搵好地方同老婆拍拖食好嘢，返黎仲跟同事分享。」