艺人悼念丨汪明荃与衞世辉合作无间 薛家燕感触：珍惜现在拥有
2021-09-17 16:47 
TVB非戏剧节目监制及经理衞世辉今早因心脏病发离世，不少跟他共事过的艺人均感到好突然及惋惜，终年62岁。
薛家燕与衞世辉合作多年，她今日在电话中表示：「我入TVB后有好多综艺节目都系佢负责做监制，佢系一个好好先生，有求必应，因为有时在节目上特别要求，希望帮我哋申请到，佢都会尽量去做好，处事好投入又认真。」她透露今早接到消息时感到好愕然及难过，她说：「我上个月仲见到佢，仲Say hello，谂唔到突然间就离开！我觉得当然好惋惜，佢系一个不可多得嘅一个制作人，在综艺节目贡献良多，我谂好多公司同事都同我一样感觉都系好难过，希望佢家人节哀顺变！另外让我感受到系珍惜现在拥有，注意身体健康，可能佢工作太忙，无留意到自己身体健康都未定，因为佢近排都好忙，一直未停过，佢系一个好勤力嘅人，好难过、好唔舍得，希望佢一路好走！」
汪明荃则说：「接到消息真系太突然，我同衞世辉合作咗好多次，系一个好叻嘅人，佢做大骚好识处理问题又好有经验嘅人，真系太可惜！60岁（62岁），又做得嘢。希望佢太太节哀顺变，大家保重。」
關鍵字
最新回应