Juicy叮｜不满被指责 FG新仔：点解要跟足公司套方法做嘢？

每年暑假都会有大批毕业生投身职场，fb专页「奴工处」周三（9月29日）刊登一名网民投稿，事主指自己是一名应届毕业生，早前上司要他负责一个项目，而他最后用自己的方法完成目标，但竟被一个资深同事在限期前两小时才指他做错事，「佢话教过我点做，重带咗我去老细度同老细讲我做咗啲咩，讲到好似我做错嘢咁，跟住走嚟监督我收科。」

事主坦言，自己使用的方法可能不是最好，亦可能不是老细心中的「expected behaviour」，但不明白为何会被人责骂，「嗰刻我真系好想讲『我无做错』，不过我太废忍唔住自己啲眼泪。你话我做得唔好我可以改，但系系咪你讲过嘅方法我就一定要跟，系咪你就可以嚟话屈我话我错再攞我去邀功，系咪就一定要被你屈我话因为我无做好STUDY所以先搞成咁？」

事主又认为自己上班是来学习，而非做布偶公仔，按照上司所有的指示而工作，「咁无思想无空间做咩唔你自己做，你连一个话我做嘅点解唔好嘅理由都无」。最后，事主希望向上司表示自己没有做错事，并了解自己的做法为何不好，又求问网友自己是否太计较。

「奴工处」的小编亦有就帖文留言，认为事主可向上司了解事件，「有时可能对方嘅方法较适合公司其他人follow up，又可能有其他原因…建议最稳阵系先跟人哋嘅方法，做耐咗明白多啲先去试改良个方法。」

帖文引来多名网民热议，不少人认为楼主应该返新工，应该聆听旧人的意见，之后掌握工作技巧后，再作出改善，但亦有人认为楼主只是投入工作，才会这么执著，「返新工都应该听咗人哋讲嘢先。一嚟就大刀阔斧，得罪晒啲人」、「老板钟意啲乜你咪投其所好罗，佢话咁整就咁整，当然有佢原因，乱咁改人哋啲嘢，到时出大镬嘢濑晒落你度都得啊！」「其实新仔最好就跟返旧人嘅 instructions 先，到上咗手先 develop 自己嘅一套会较理想。」

帖文转载自「奴工处」