炎明熹靠幻想投放感情 与《声梦》学员拍剧最怕眼神交流

TVB节目《星梦传奇》三料冠军得主炎明熹（Gigi）最近推出新歌《真话的清高》，仍在求学中的Gigi趁空挡宣传新歌，昨日（1日）在姑丈的陪同下，到商台接受郑裕玲（嘟姐）的节目访问。

眼见Gigi从学生变成歌手，Gigi的姑丈坦言心情有点忐忑：「我哋都冇谂过咁快，始终佢都仲系细，要读完书先，点知有呢个机会出现咗，变咗而家系另一个阶段，所以会喺佢身边帮吓，到佢18岁就交番俾佢自己。」稍后Gigi将会参与电视剧演出，嘟姐问她是否已经收到剧本？她说：「收到，我又冇呢方面嘅经验，超级紧张，又有少少尴尬，尤其系要望住对方交戏！不过我都觉得拍戏都有好处，尤其作为表演者，系一个储经验嘅方法。」

接着嘟姐又问Ｇigi如何投放感情？她说：「我个人好锺意幻想，得闲会幻想一啲悲惨嘅嘢，又会靠吓啲导师同老师帮吓手。不过我而家比较重要系返学，好彩唱歌对学业影响唔大，同同学之间嘅相处亦都冇乜大问题，佢哋都好支持我。」至于要同时兼顾拍剧和唱歌，嘟姐坦言拍剧的确有点辛苦，要有定心理准备，Gigi反问：「嘟姐你有乜嘢Tips畀我？」嘟姐笑说：「叫定姑丈帮你煮嘢食。」 Gigi笑说：「佢只系识用水煮熟鸡胸肉同西兰花！」