Juicy叮｜讨好女友一周食5日炸鸡 港男求救：惊食足一个月储唔齐12张卡

近期有连锁快餐店卖纸盒同男子偶像团体MIRROR的纪念卡送炸鸡，很多市民成群结队去入手，希望储齐一套，连环境局都在facebook专页奉劝「系咪真系食晒㗎？食得晒先至好嗌啊」。而有网民大吐苦水，指为讨好支持该男团的女友，已经连续5日半食炸鸡，未来还要食多2个半星期才有机会储齐一套，担心一旦无法储齐如何面对女友，「佢话如果佢储唔齐12张卡嘅话会好嬲」

「香港讨论区」一名网民发文指，上星期7日已经食了5日半的炸鸡餐，几经辛苦才储齐上星期的3张卡，他原本以为就此作罢，还希望未来半年不用再食炸鸡，岂料快餐店分4星期送出，才能集合12张偶像纪念卡给女友。网民曾提议，不如不食炸鸡直接上网买二手卡，女友就反对鼓励炒风。

网民抱怨，「大佬啊，又唔系你食你紧系唔鼓励架，食鸡餐已经食到生『飞滋』，仲有两个半礼拜要食，仲要唔系次次都咁好彩可以抽到唔同款」。他还要「胆粗粗」在快餐店问人可否交换重复的款式。他更透露，「我已经买左几次都唔中，寻晚偷偷地上网买咗...，希望女朋友唔会怀疑点解今期储得咁快」

网民担心，「依家谂到如果到最后储唔齐12张我呢4个礼拜嘅努力就会白白浪费，女朋友仲会嬲我。钱又无，肥又增咗，女朋友又嬲埋我，到时就变3痛青年」他希望快餐店明年不要再推出类似活动，「如果唔系做几多运动都唔掂」。

有网民批评，发文者过分纵容女友，「佢讲你又信...自己衡量下，无一套，食炒（价），身体健康，边样最大镬？」、「女权咁重港女咁寸咪多得呢种人唔少，条女精神出轨钟意其他男仔你仲要谂计去讨好条女，做男人做到废成咁 」。

也有人提议，「叫咗餐买完，一系个餐畀人食，一系直接叫佢唔好上餐，拎张卡走人」。也有人计算，「十二款卡，全random每次抽一张，储齐十二款平均需要37.23次」。也有人戏言，「医生一定好生意 一个二个食到喉咙痛排住队睇医生」


帖文转载自「香港讨论区」