彭慧中着泳衣表演瑜伽派福利 郑融跟奶仔分享娱圈处世Tips
2021-12-13 08:00 
TVB节目《流行都市》女主持彭慧中向来好受宅男观众欢迎，她将会喺今晚（13日）10点半，J2台播出嘅《野外步出2》中着泳装亮相派福利，节目中她随大队去咗景色优美嘅西贡吊钟岛，更着住泳装表演瑜伽让各位兄弟可以开心吓！主持人奶仔(方绍聪)表示，好多男观众每日中午就坐定定喺电视机前，话要开电视捧她场，特别系留意她诱人嘅坐姿，更大赞彭慧中样靓身材好，同时不值她仅只主持《流行都市》一个节目似乎有啲嘥，对她欠公平，因此，奶仔就应大家要求，安排彭慧中着泳装现身，性感少少演出。
另外，郑融(Stephanie)系周二晚节目嘉宾，奶仔中学时期已经听佢唱《红绿灯》、《红花会》，奶仔请到大学时期偶像参与节目，一齐去漆黑山洞探险，由于地势险要，过程惊险，Stephanie显得有啲紧张。节目中郑融分享入行多年来嘅烦恼，尤其去到一啲人生高、低位如何去处理，原来宗教对她有帮助，启发到奶仔懂得应付将来喺娱乐圈面对嘅高高低低嘅状况。
最新回应