古巨基邀请真Fans合作 MC爆童年上网买歌太贵俾老窦闹

早前，古巨基出post预告他的「I.R.L.T.S.」联乘专辑将会跟Tyson Yoshi合作，昨晚（16日）基仔再出post，透露另一个合作单位系MC张天赋。

二人首次「见面」，MC即兴奋表示：「我真系好鬼开心呀！多谢你邀请。」随即自爆小学二年级就听基仔嘅歌，人生第一张买的专辑就是基仔的《星战》，更记得专辑内第一首歌是《天才与白痴》，「我三、四年级时记得你出咗只精选，系大碟嚟㗎，由嗰阵时开始我就煲晒你所有歌。」基仔表示「I.R.L.T.S.」project是想将自己的歌remake，由于MC对基仔的歌十分熟悉，于是便问他对于哪一首歌特别深刻，MC立即如数家珍，「《一生何求》、《还是觉得你最好》我都好锺意，仲有《爱变了这世界衬衣》、《爱与诚》、《伤追人》、《漂流教室》、《任天堂流泪》。」

随后MC又分享儿时买歌的趣事，「好记得小学时我发现咗可以上网买歌，《爱变了这世界衬衣》就系其中一首我上网买嘅歌，最后张月结单过千蚊，俾daddy打到飞起，我记得嗰阵时系廿蚊一只歌，再计埋上网download，跟住成条数就好襟计。」他又说自己有一个扮基仔唱歌的习惯，特别是演绎《爱与诚》、《伤追人》两首歌曲的时候，好奇的基仔便着MC即席表演。MC拿着结他自弹自唱《爱与诚》后，基仔除了大赞「好好听」，更说：「如果第时我开show，搵你嚟一齐唱《爱与诚》。」

MC即席表演。

古巨基拍晒手好欣赏。

听完MC对自己歌曲的熟悉度，基仔开心地说：「因为你啱啱讲嘅有好多未必有机会plug，但系你都咁熟，多谢你。」MC直言：「因为我真系成只专辑DL落嚟，成只煲晒㗎。」基仔续说：「我真系多谢你，因为可能好多人都系听主打歌，但你连里面都『嗒』埋，我觉得做碟能够成只有知音听到，我系好开心，多谢你。你加油呀，你真系唱得好好。我有睇到你live，你唱live 好稳定，真系好好。」听到基仔大赞，MC难掩兴奋心情，边笑边说：「多谢多谢多谢⋯⋯哈哈，好鬼开心呀我！你系代表住一个『时代』！陪住我大！」

古巨基呢一年主力凑仔。

古巨基跟得好贴，之前MIRROR开Show佢都有去睇。