Juicy叮｜新朋友狂叫贵海鲜致6人埋单逾6500元 港女质疑遇「饭托」

朋友饭聚竟疑似惨遇「饭托」！有港女指早前与两名友人到串烧店饭聚，其中一名友人另外相约两女一男出席；惟楼主到达餐厅后，才得知3名新朋友已点了多款贵价海鲜，后来更发现其中一名新朋友是该店员工，最终「埋单」总数达6,543元，而不吃海鲜的楼主及友人亦要平均摊分费用，令她有「焗住畀钱」之感，质疑3名新朋友是「饭托」，刻意带他们到涉事串烧店消费。

该名港女在社交媒体Facebook群组发文控诉，指平安夜当晚相约两名友人到铜锣湾一家串烧店用餐，其中一人另外约了两女一男的朋友出席，即一行共6人。楼主指，当晚约好8时半，她与友人迟到约15分钟，怎料到达时其中一名初次见面的年轻女生表示「嗌晒嘢食」、「嗌咗海鲜同好多嘢」；但楼主表示，她们当中有3人不吃海鲜，「佢亦都冇事前问过我哋食唔食就已经预咗我哋嗰份」。

食物送到时，楼主才得知新朋友点了龙虾、蛏子及带子等贵价海鲜，其他串烧下单时则最少须点3串，「我哋都冇乜点叫过就已经嚟咗好多」，当晚更没有饭面等主食提供，「我哋真系掂份Menu（菜单）嘅时候先知道呢件事」。最令楼主感到怀疑的是，她后来才发现其中一名新朋友竟是该店职员，「最好笑系个Staff（职员）问返个女仔『乜你冇同人哋讲主食夜晚冇得提供嘅咩？』，我望向个女仔嘅时候，个女仔即刻眼神闪缩」。

最终6人「埋单」需付6,543元，楼主查询后亦再度发现不妥，「后尾问多两问先发现原来啲海鲜系要预订，亦即系话之前我哋3个完全唔知道佢嗌咗咁多嘢食」。楼主直言当晚如被骗现场，质疑席间3名新朋友属「饭托」，刻意带他们到该串烧店「强迫」消费。

楼主强调自己并非未能负担人均千多元的晚饭消费，而是不愿意为别人分摊贵价食材的费用，直指3名新朋友当她及友人为「水鱼」，「我哋睇咗餐牌唔会觉得贵，你劏我冇乜所谓，但起码你嗌嘅嘢食我系知情先，想睇单又冇人理我。」她指，「见佢哋嗌海鲜嗰阵其实我已经想走，但我费事落我朋友面，而家谂起认真觉得搞笑，简直就系当我哋系韭菜昆我哋」。

帖文引起网民热议，不少人都认为带新朋友出席的该名友人，需负最大责任，「你朋友好有可疑呀」、「你个朋友都衰衰哋嘅，其实佢系咪本身就知个女仔订咗海鲜而冇话畀你知？落order又唔讲声，似系你朋友都想搵饭脚share钱咁，呢啲朋友疏远好啲」。亦有网民指认为，楼主若用餐途中感怀疑，应立即离开而非「硬食」，「如果系我，我一定会问清楚先坐低开餐，因为同对方唔熟悉，根本冇必要畀面任何人」、「呢啲环境如果我同唔识嘅人食饭，佢哋叫咗我唔食嘅嘢咁我会离开各有各食，食完再出嚟」。

资料来源：「香港黑店大全 大踢爆」FB