MC张天赋爱上遮遮早餐摆设据为己有轩仔公开后台祭坛化妆间

2022-01-03 14:00

张敬轩的红馆演唱会昨日（2日）来到第9场，他请来刚刚新鲜出炉商台新力军男歌手金奖的MC张天赋出任嘉宾，令观众欢呼四起。邀请MC出场前，轩仔笑言在颁奖礼上坐在「乐坛关爱座」，开心见到一班新血出现：「今日呢位人兄实力同偶像两样元素都有，佢可以话系『实偶派』，呢大半年来我成日loop佢D歌。」现场即响起《反对无效》，观众欢呼四起，MC出场同轩仔合唱。
合唱完毕，MC拿一只公仔出来：「我啱啱喺后台圣诞树上面见到呢只嘢，好得意，火鸡？系你个姐姐悉心帮你整早餐....」轩仔即谓：「你个人都几客气喎，攞人啲嘢叫人送俾你....呢只嘢生前系姐姐个早餐盘嘅装饰，既然你钟意我同你介绍番，呢只嘢有名堂，佢个名叫：雕！你企中间！」全场即爆笑，MC笑住反问「雕....你企中间？」轩仔就整古佢再反问，「你同我讲呀？」

轩仔表示很欣赏MC，搞笑形容他为「实偶派」。

MC独唱时赢得台下不少掌声。

MC在后台拿了遮遮的早餐摆设。

另外，轩仔昨晚又在IG贴出一段片段，公开他红馆私人化妆间的情况，但怎料一打开门率先见到一张以彩带围着的轩仔大头相，枱面则放酒杯、饭碗、酒及糖果等，他边拍片边说：「哗！顶！你话系咪大吉利是？仲要前面有几支酒，岂有你个此理！」他更留言：「我有啲咁嘅Fan屎，整啲咁嘅礼物畀我，仲要我又有啲咁嘅同事，又咁样摆嗰份礼物，喂，话晒新正头，畀吓面好喎。粉丝行为偶像埋单」。