36岁邓子超（小B）入行13年首次拍剧，就遇上《IT狗》中画家Johnny仔一角而人气急升。小B接受本报访问时坦言出街多咗人识，「好多人都叫我Johnny仔，同我打招呼，赞套剧好好睇，好好笑。」小B患有先天性软骨发育不常症，身高1.32米，虽然行动同常人无异，不过外出都难免遇到奇异目光。现在人气急升，最开心或者系途人望他的眼神不再是好奇，而是惊喜可以见到他真人呀！采访：秦咏姿 摄影：叶君海 场地提供：The AIR (The ONE)

 

小B因在《IT狗》中演Johnny仔一角而人气急升。

 

小B（左一）患有先天性软骨发育不常症，自小就要忍受别人的奇异目光。

 

十多年前小B父母开设的茶餐厅因地段要重建而倒闭，父母又投资失利，经历一段艰难时期，「要借钱度日，争人7位数，自己又冇收入。」当年小B因为对演戏有兴趣参加咗「剧场搭爹区」，有追梦心奈何身形限制发展，「冇间茶餐厅我都几难就业，其他演员试镜机会大啲，每个角色有特定要求，（剧组）唔会话想搵个矮嘅人，我一路都等机会！」幸有好心人帮助，冯德伦曾找他演陈奕迅《倒带人生》MV侍应一角，「好多谢冯德伦喺我困难时期畀机会我，份酬劳令我度过一段艰难时间，虽然唔多但当时都好好用。」

 

小B父母2011年东山再起，重开茶餐厅。

 

小B好多谢13年前冯德伦给予机会。

 

冯德伦曾找小B演陈奕迅《倒带人生》MV侍应一角。

荒谬情节有啲过唔到自己

小B参与《IT狗》试镜被拣中，大爆本来演Johnny仔的不是他，「导演（简君晋）有讲过最初想搵岑珈其做，但试完镜就拣咗我。」对于有网民话剧情好笑但非常地狱，小B都有同感：「有集告个画家抄袭，我有啲过唔到自己，但出嚟个效果都OK。」而他亦觉得Johnny仔好似自己，「我都会讲笑，有时都几Mean！」剧中Johnny仔是最多女伴的角色，不时出现苦口婆心撇女场面，不过现实中小B仲系单身，择偶条件系希望对方多嘢讲，拍拖时可以有讲唔完的话题。但现刻他希望搵多啲钱，「人哋同我一齐可能会有好多顾虑，唔好计外表先，都想（有经济条件）保护到对方。」
 

小B透露简君晋导演本来想搵岑珈其做Johnny仔。

 

剧中Johnny仔将画作化作NFT而一夜致富。

 

Johnny仔告人抄袭「披皮」呢一幕，好多网民都大嗌好笑但超地狱！

 

小B话同凌文龙对戏最有火花，喺对方身上学到好多嘢。

 

现实中小B画画都有少少「披皮」风格。

立即下载 | 全新《星岛头条》APP : https://bit.ly/3yLrgYZ