黄文慧拍《呖咕呖咕新年财》曾NG50次不谈婚嫁：我唔敢赌呢铺

2022-02-05 12:00

黄文慧在2002年经典贺岁片《呖咕呖咕新年财》中，扮演出脑退化症奶奶，深入民心，而近年每逢过年必定重播此经典贺岁片，依然令不少人回味无穷。现年72岁的黄文慧日前接受商台《1圈圈星光背后》访问，她在1965年报考「仙鹤港联」艺员训练班入行，经历粤语片、TVB、亚视等多个时期，83年《神雕侠侣》的「梅超风」，与及《呖咕呖咕新年财》奶奶都是她的代表作，黄文慧说：「《呖咕呖咕新年财》要多谢杜琪峯搵我，到今日出街仍然有人叫我：『奶奶！唔好诛我！』」

因曾有照顾脑退化症母亲的经验，黄文慧坦言令她更易代入电影中奶奶一角，不过，她最难忘当年拍摄一幕念急口令的独脚戏：「嗰场戏差唔多等到天光拍，系我念食糊数番对白嘅近镜，但我NG咗足足50次！我一个人对住镜头及所有剧组，明明熟读剧本都失晒晕！华仔（刘德华）先话企响镜头后帮我，但我还是一句都讲唔到标晒汗，之后导演罗永昌叫：『华仔行开，你咁帮Bonnie姐仲惊！』最后罗永昌谂到我望住剧本读，镜头只影到我个嘴close up先搞掂。」

近年每逢过年必定重播《呖咕呖咕新年财》。

扮演脑退化的奶奶及妈咪，跟华仔有不少对手戏。

戏中还有古天乐（左）演黄文慧的细仔。

有指黄文慧当年曾拒演《射雕》梅超风这经典角色，她说：「因为嗰时后生有比较，其他一齐出道嘅演员都上晒位，而我演呢类角色太多，到咗樽颈位想转行。天林叔（监制王天林）系恩师，佢识用演员，佢话我拍咗咁多年戏，都无人叫得出我个名，希望我乖接咗呢个角色就无悔。果然，梅超风呢个角色真系帮咗我好多，好年后我到渖阳拍戏，有好多人围著我用普通话问我：『你是不是梅大姐？』我仲以为佢哋认错我系梅艳芳，最后佢哋话：『你是不是梅超风。』我先知剧集咁受欢迎。」
黄文慧至今仍保持单身，她坦承人生的确不完美：「以前都有好多人追我，有靓仔有名誉有地位都有，后期甚至有朋友介绍我同一个台山阿伯相睇结婚，但我真系负担唔起责任，最惊结咗婚生咗下一代离婚，我唔敢赌呢铺。」