俄仔Ansheles自认好饮得 获指点迷津今年运程非常好

「俄仔」Artem Ansheles日前拍摄香港开电视贺年特辑，与主播马梓轩一同学习泡红茶。Ansheles指农历新年吃了很多糕点，饮茶消滞确是不错的选择。被问到俄罗斯人是怎样庆祝新年？Ansheles表示：「最重要嘅活动系饮酒！俄罗斯人过年会买好多酒同埋煮好多嘢食，食物多数系圆碌碌嘅形状，寓意团圆同埋好意头！另外沙律系过年必食嘅嘢，点解天寒地冻仲要食沙律呢？因为啲人饮完酒之后嗰几日都醉醺醺，所以食沙律就最方便！（咁你自己嘅酒量如何呢？）如果同香港人比较嘅话，我算系好饮得㗎，可能因为我有战斗民族嘅血统！」

Ansheles指饮茶消滞好得。

回顾上年的工作，Ansheles称很难忘去年拍摄的电视节目：「记得之前同香港开电视拍咗一个节目《开运秘笈》，当时有师傅帮我指点迷津，佢睇完我嘅八字，之后就话我过往3年运程都唔系几好，不过师傅话今年对我嚟讲会非常好！」

Ansheles又表示过去一年，花了很多精力筹备首张个人专辑：「喺呢只碟上面我参与咗好多，亲自写歌、监制歌曲，为大碟创作咗好多视觉效果，好多之前香港冇见过嘅嘢，所以我都好期待大家对新碟嘅反应！」

Ansheles话俄罗斯人过年会买好多酒同埋煮好多嘢食。

立即下载 | 全新《星岛头条》APP : https://bit.ly/3yLrgYZ