第5波疫情丨洪嘉豪有份帮AK Alton拍MV 报平安检测呈阴性

2022-02-18 02:30

近日本港爆发第5波疫情，娱乐圈都爆发群组染疫，日前MIRROR成员Anson Kong（江𤒹生）及Alton（王智德）拍摄新歌MV，同场有过百人，当中更有多名歌手参与拍摄。日前有指现场有工作人员染疫，而有份参与拍摄的陈健安（On仔）、ONE PROMISE成员Anton及天衡都不幸中招，「MV群组」随时大爆发。

AK即将推出新歌，今次同Alton合唱，日前仲搵咗好多歌手一齐拍MV。

有份帮手拍MV的On仔不幸中招。

ONE PROMISE成员Anton及天衡都不幸中招。

昨日（17日）同样有份拍摄AK及Alton新歌MV的洪嘉豪，亦在IG出Po报平安，称已得知检测结果呈阴性，叫大家唔使担心，亦多谢大家关心。不过他亦表示近期尽量都唔会出街：「因为原来真系好可怕，所以今次想叫大家唔好及时行乐住，多啲留喺屋企😖，听《及时行乐》保佑你身体健康。」咁都搵到位Sell新歌，真系叻猪呀！咁大家就听嘉豪讲，留在家中《及时行乐》嘞！

洪嘉豪日前都有份帮AK同Alton拍MV。

出Po报平安。

而另一位有份参与MV拍摄的MIRROR成员Frankie（陈瑞辉），昨日亦在IG限时动态分享做快速测试呈阴性的照片，并报平安表示：「安全呀！唔使担心，各位都take care！」而MV主角之一的Alton亦于IG出Po表示：「I am okay, stay safe, still GING.」蛋白粉（Alton Fans昵称）都留言话放心晒呀！