黄梓豪疑偷食兼吸大麻道歉被批欠诚意试当真IG即Unfollow割席

2022-02-18 16:30

曾参加《全民造星II》40强止步的22岁前职业足球员黄梓豪，去年加入YouTube频道「试当真」，以为冇乜浮起过嘅演艺事业露曙光，点知又被旧爱爆黑历史。日前黄梓豪于IG限时动态宣布暂时退出「试当真」幕前工作，网民将重点放在「暂时退出」四字上，明显唔收货，事关偷食本身都有损形象，加埋疑似吸食大麻属犯法行为，认为黄梓豪于IG限时动态就咁出个道歉Po欠诚意。另外黄梓豪单方面称暂时退出「试当真」幕前工作，令人感觉仲有得留低，不过网民昨日（17日）发现「试当真」IG，已经Unfollow咗黄梓豪，睇嚟合作关系都好难返转头嘞！

黄梓豪去年加入「试当真」。

「试当真」似乎已经决定放弃黄梓豪。

黄梓豪出事后于IG道歉，但网民觉得冇乜诚意。

有向前女友公开道歉。

网民唔收货。

网民关注重点喺「暂时退出」4个字度！

网民质疑黄梓豪疑似吸毒，但道歉就算。

日前「连登讨论区」有网民代朋友出Po，爆料人声称2019年年尾开始与黄梓豪拍拖，2年间黄梓豪不断出轨，直至去年12月分手，但仍然有继续联络，「到今年1月一齐返，但之后就开始一直对我冷暴力，成个月唔肯出嚟见我，仲一直用啲好荒谬嘅藉口拒绝见面。到最后分手，我哋两个人之间嘅问题，佢居然搵佢屋企人介入解决，成年人都要搵老母做挡箭牌。」女方称自己由黄梓豪寂寂无名时就同对方一齐，陪伴对方度过低潮期，自男友加入娱乐圈就一直谂办法提出分手。她称在网上爆料是希望不要有下个受害者，叫大家唔好被黄梓豪嘅阳光纯真形象呃到。

黄梓豪日前被旧爱爆黑历史。

该网民仲上载多张WhatsApp对话截图，其中除了爆料人与黄梓豪的对话，还有黄梓豪与好友及前女友的对话。爆料人又指黄梓豪一直有吸食大麻及约炮的习惯，又背女友Send讯息求前女友复合，私下更说出侮辱女性的言论：「啲女人X得佢哋舒服就咩都讲得出口。」黄梓豪幕前阳光乖仔形象破灭，前日（16日）于IG出Po回应：「我决定暂时退出试当真幕前工作，会深切反省自己以及好好改过，感激所有关心我嘅人，对唔住，要你哋担心，我会继续努力。」不过网民仍然唔收货，睇嚟想佢宣布永远退出娱乐圈噃！