古天后日志｜港股即使短期见底 只维持区间上落难突破

2月25日，大致天晴，早上仍然寒冷，中午气温有所回升，日夜温差较大。俄罗斯正式向乌克兰开火，引发全球股市大幅波动，美股隔晚又嚟过山车，早段急挫后回稳，尾市倒升，道指升92点；标指升63点；纳指则反弹逾3%，升436点。

美国总统拜登宣布，美俄关系正式决裂，同时已无意与俄罗斯总统普京对话。美国同时宣布制裁俄罗斯银行业将近80%资产，包括俄罗斯VTB银行、SberBank、俄罗斯商业银行Otkritie、Novikom银行等。不过拜登讲还讲，同呢一刻都仲未刹停相关制裁目标使用SWIFT，家阵畀人系咁话佢废。美国对俄罗斯嘅制裁，似乎未能阻吓俄罗斯攻打乌克兰，嚟紧嘅焦点系，美国跟欧洲其他国家，会否介入乌克兰战事，若然大家都只系得把口，最终市场总会消化有关俄乌嘅战争状况，股市亦会由波动转趋平淡。

除O左俄乌战事令市场之外，高盛警告，美国正面临近一个世纪以来最严重嘅「缺工」潮，劳动力缺口恐达460万人，雇主加薪留人会引致「通胀螺旋」困局。有分析预警美国未来3至6个月通胀将飙至一成，「与通胀共存」嘅恶果系经济萎缩及股市不振。

其实美股虽然自1月开始下调，但唔少股份仍然估值未够平，喺通胀加息威胁下，美股未来一段时间都唔会回复去年只要肯坐就赢嘅局面，市况会更趋波动，尤其三大指数已先后跌穿250日线，若然短期都上唔返去，美股入熊成事实，就算过后享受过美股再美好嘅时光，都系时候面对现实。今年美股唔可以坐定定，只可以多做短线操作，同埋跟港股一样，只能轻仓上阵，唔系博杀嘅时候。

至于港股当然系随波逐流，即使估值已跌至蔗渣价，喺外围地缘政治因素，以及内部缺水唔够成交支持下，港股暂难有发围，即使今浪当噚日搵O左个底，可能维持上落区间格局，暂时大型上落区间喺22600至25000，只有喺呢个范围继续短线操作。

古天后

(徐狄怡，证监会持牌人)