独家丨朱鉴然向杨茜尧即场偷师　胡卓希获黄浩然私人补课

2022-02-25 22:00

朱鉴然（朱仔）和胡卓希（Jason）最近都有份参与剧集《家族荣耀》，剧中面对黄浩然和杨茜尧（前名杨怡）等前辈做对手戏，虽然有压力，但亦成为学习好机会。作为新生代演员，两人认为有机会最重要，未来希望可以拍更多剧集，以及演到令观众留下印象角色。采访：杜杜摄影：叶君海发型：Singtam@artifylab(Kevin)、nicki ting@hair corner k11 musea(Jason) 化妆：WiLL Wong 服装：Fendi(Kevin)、Salvatore Ferragamo(Jason)

朱仔最想所演角色，能够令观众留下深刻印象。

Jason希望可以拍多些剧集，演绎更多不同角色。

剧中朱鉴然演杨茜尧细佬，对手戏最大，虽然「家姐」气场劲，但朱仔反而当压力是动力，趁机偷师，「如果系我NG，一定会好唔好意思猛讲Sorry，但佢会好轻描淡写话『唔好意思再嚟』，其实演戏时唔应该畀任何出错影响情绪，『家姐』都同我讲过，错咗反而系畀机会再做好啲，我喺佢身上会学到嘢。」而Jason更加有同门师兄黄浩然私人补课，「我系非常之有压力，但同公司师兄浩然佢好好，我记得第一日开始前，好夜10点几都捉住佢喺酒店房排戏，排咗两个几钟到12点几，本来佢好眼瞓都醒咗，真系唔好意思。」

Jason和朱仔拍摄期间，好彩有同门师兄黄浩然照顾。

朱仔和杨茜尧剧中演「甄芯」和「甄诚」姐弟，剧外亦好玩得。

望多睇本地制作

剧集在2020年底开始在深圳拍摄，但因疫情各人期间都无法深港两边走，两人坦言最初不太习惯，但台前幕后气氛融洽，总算易适应。Jason说：「第一次离开香港过圣诞同新年，最大感受系望住屋企，但又返唔到去同屋企人、朋友一齐庆祝，呢吓都几唔惯，但剧组好好，圣诞会一齐食饭庆祝，片场气氛好好，虽然系离乡别井，但系好似个大家庭。」

剧中演富二代的Jason，对梁靖琪好深情。

圣诞节和新年都不能在港庆祝，两个大细细一样玩到癫。

疫情改变了很多人娱乐习惯，港剧收视亦有提升，作为新生代演员的朱仔和Jason都觉得是好事，希望未来观众会继续多睇本地制作。朱仔更认为，「𠵱家行入面风气都好正面，啲人成日话香港断层，其实有好多几好嘅演员，希望大家畀多啲时间同机会去睇吓佢哋。自己我就希望可以拍到个角色令人印象深刻，相信只要默默努力，终有一日会有人见到。」Jason则希望今年多拍剧集，「唔系话要做主角，最紧要角色有得玩。」