祝文君离世丨黄泽锋去年12月艺进会活动最后一见 文君消瘦出席冇提有病

黄泽锋跟祝文君同样出身于艺员训练班，认识多年合作无间，近年大家都成为艺进同学会委员而经常见面，所以昨晚11时多收到文君死讯，感到相当愕然，「唉！真系谂都冇谂过文君走咗，大家几十年朋友，早排仲见过佢嘅，因为我哋每年艺进同学会都会搞会庆，会庆系1230，即系12月30号，文君就系艺进同学会永远名誉会长，嗰晚都有见到佢，佢仲同妃妃（泽锋女儿）影相玩，佢几锺意妃妃，每次出席宴会，佢见到妃妃都会同佢影吓相，我同佢几十年老友，大家都系训练班出身，佢一出嚟我就识佢，我早过佢啲，由《城巿追击》开始合作咗几十年，艺进同学会又成日见，最后一次咪上次会庆罗！」

泽锋跟文君都是应届艺进同学会委员。

1992年，泽锋和文君跟周润发等艺进同学会成员，齐演出舞台剧《皮草店的春光》。

泽锋透露去年12月底会庆见到文君，完全不觉对方有病在身，「我上次见佢都冇事，佢净系瘦之嘛！冇谂过佢有肺癌，佢又乜都冇讲，个样又好开心，嘻嘻哈哈咁，都唔知佢有肺癌，后尾发生咗事，问过其他会长先知，佢系瞓觉走咗去，其实佢肺癌已经两年，大家只系觉得佢瘦，唔觉得佢有病㗎！大家咁老友都冇讲呢啲嘢，佢仲好后生嘛！」

泽锋跟文君2002年与肥姐等人，为胡枫庆祝七十岁生日。

 

2017年，泽锋跟文君齐参与艺进同学会成员麦包执导政府宣传片。

更多第5波疫情资讯，请到以下专页浏览按此https://bit.ly/3JqiBzz

立即下载 | 全新《星岛头条》APP :https://bit.ly/3yLrgYZ