马米高拍片教Brother简称「写法」 笑余文乐唔知跟边个乡下用法

余文乐日前于IG限时动态将「Bro」打成「Bra」，成为网民嘲笑对象。由于他已不是首次于IG串错字，因此此Po一出再成为网民热话。平时拍片教开英文嘅YouTuber马米高都收到网民Cap图笑埋一份。不过余文乐今日都在IG限时动态分享英文字典中，「Bra」嘅用法，隔空教大家英文！指「Brah」这个字的意思是指好哥们之间的称呼，而这个字亦可简写为「Bra」，例如「Hey, brah！」亦可解作「喂，兄弟！」

 

余文乐日前于IG将「Bro」打成「Bra」，被质疑串错字。

 

余文乐今日出Po为自己平反，兼教大家英文。

 

而马米高睇见都拍片教返余文乐转头，希望他学识「Bra」喺口讲同写嘅分别，「『Brah』通常系讲出嚟嘅啫，即系将『Brother』Cut开一半，但如果写Brother嘅时候，会唔会写成『Bra』呢？嗱！英文呢家嘢好多乡下都用紧，我就唔知边个乡下写『Bra』代表『Brother』，我写就一定用『Bro』。」又称都系打3个字母，唔想畀人有机会误会他说「胸围」:「讲到最尾都系想懒型咋嘛！Am I right bra?」成条片都以「阿Bra」来称呼余文乐，睇嚟继「Fisherman Lok」后，乐仔又多个花名嘞！

 

平时教开英文嘅YouTuber马米高日前都有出Po笑乐仔。

 

今日再出Po教大家「Brother」简称的写法。

 

仲拍埋片添！

 

更多第5波疫情资讯，请到以下专页浏览（按此）

立即下载｜全新《星岛头条》APP：https://bit.ly/3yLrgYZ