关宛珊囝囝跌伤下巴缝6针医院等候心乱到不停踱步

2022-03-17 22:15

TVB女艺员关宛珊与林溥来（Patrick Sir）结婚7年，囝囝Preemo下月13日就1岁，估不到一家为防疫甚少外出，却因囝囝受伤跌伤下巴，而要去医院治疗。妈咪关宛珊极之心痛，在社交网贴出多张囝囝的受伤照片，以及打上一大段文字交代事发经过。

关宛珊今日在社交网留言，表示前晚（15日）大约7时，在屋企大厅发生意外：「Preemo戴好头盔喺木地板爬，爬爬下突然跣手仆亲下巴落地，喊到收唔到声，伤口好似唔深但颚起少少头又好似好深，老公唔喺屋企返紧工，唯有我要保持冷静自己帮BB仔止血，按住伤口止咗20分钟左右，同时避开伤口用冰敷附近嘅位置，BB仔就冇再喊仲笑住玩添……大约8:30老公返到嚟，睇到伤口好大话肯定要联针，嗰一刻当我听到Preemo要联针嘅时候，已经喊咗岀嚟，因为咁细个BB做手术实挣扎得犀利，医生通常建议全身麻醉……老公跟住建议我先带BB仔入房瞓觉，岀到嚟佢原来已经打咗好多电话，当中知道原来儿童医院唔收急症，仲特登搵咗啲资料俾我睇安抚我，知道有机会唔使全身麻醉。同时佢搵咗我哋嘅儿科医生，佢即时介绍咗另一位儿童外科医生俾我哋，医生睇完相同片，话伤口好深一定要联针，但系好彩系佢话试吓局部麻醉加安排几个护士揿住BB联针，亦都预告我哋要狠心忍痛。」

BB的伤口都唔细。

BB在医院等候。

到晚上约10时，Preemo已入睡，二人就带他到私家医院，但疫情关系，父母不能陪入急症室，关宛珊续道：「所以我哋同Preemo讲『一阵入去忍住痛，啪啪两下就岀返嚟㗎喇，唔使惊㗎～』老公放低得11个月大嘅Preemo喺治疗室床上就要离开，4个姑娘揿住BB仔嘅头、手、脚，用块布遮实BB仔个样，喺外面我哋听到嘅系佢前所未有嘅喊声，系好惊多过痛嘅大喊声，真系好心痛！但系喊喊吓冇咗声嗰吓系仲惊！喊吓停吓，心乱到不停踱步。突然姑娘叫『爸爸入一入嚟』，真系吓到命都冇！原来只系睇睇联好嘅伤口～姑娘们同医生都话Preemo算好乖好配合，联咗6针都唔算挣扎得好劲，系唔锺意俾人揿实佢个头啫～Haha～大约深夜12:30返到屋企，同佢换衫换片再俾支细奶佢饮就即刻瞓咗添。」