独家丨Ben Sir鼓励睇《冇人性教育》解闷 36E黄婧灵开心学习性知识

2022-03-24 21:00

由Ben Sir(欧阳伟豪)联同无綫36E「咪神」黄婧灵（波波）、JoJo(黄紫恩)、吴兆麟、张盈悦、新人胡敏芝等主持J2节目《冇人性教育》大讲「性经」，Ben Sir建议节目喺翡翠台黄金时间添食：「𠵱家呢个时势大家唔开心屈住，歌舞升平又话尴尬，最好提供正确性资讯帮到苦闷嘅香港人。」采访：方骞平

Ben Sir跟年轻主持人用道具讲解性知识。

节目中波波大谈乳房大细及重量。

Ben Sir在节目中以轻松角度谈性。

逢周五晚十一点于J2台播出嘅《冇人性教育》，Ben Sir带领一班新世代于节目中公开讨论性话题，也会「开箱」性用具、解构性用词，由医疗界专家从专业角度解读正确嘅性知识。波波更放低艺人包袱，喺节目中兴奋为青瓜戴安全套，又用道具测试性高潮等，言行举止大胆。波波扬言唔尴尬，她接受本报访问时表示持开心学嘢态度对待性知识：「不过打后拍其他节目都有啲困难，好似畀人觉得我同性有关变咗『性女』咁。」

波波为青瓜戴上安全套。

波波拥36E好身材。

对性用品大开眼界
Ben Sir要求做一个有数据及医学角度可用嚟深入探讨嘅性节目，总之用轻松方向讲严肃嘢：「我冇尴尬反而愈做愈好，因为唔系涉及个人睇法及经验。」他坦言主持节目后令他大开眼界。不过，据他了解好多老人家及长辈都唔识，要灌输正确性知识，所以有必要再喺翡翠台黄金时间添食：「既然人人都系来自性，性教育咁重要点解唔攞出嚟讲？最好放埋喺《爱回家》后播出，其实几年前同冯盈盈及麦明诗倾开，佢哋都举手支持，皇天不负有心人，至今C君提出才成好事。𠵱家抗疫疲劳，个个人都多咗时间留喺屋企，不如学吓新嘢啦。」