Juicy叮｜儿子倡父母抽居屋借出私楼住 网民忧卖楼赶走两老

有网民在「亲子王国」讨论区发文，称身边有人本身已置业，但以孝顺为由游说父母交出公屋去抽居屋，然后打算让出私楼供父母住，但做法惹来质疑。

发文者透露，有一名长辈的儿子以孝顺父母为由，想父母居住好一些，劝父母用公屋绿表去抽居屋，由儿子供楼。外界听到都觉得儿子颇为孝顺，但老人家拒绝提议。

但之后儿子一直不心息，屡次劝父母抽居屋。儿子本身有楼，「想将父母换到嘅居屋攞嚟自住，将自己间私楼畀父母住，私楼就当投资房」。发文者质疑，长辈有其他仔女，而且儿子常常呼喝父母，连媳妇都不太尊重、看不起其父母。发文者于是请教网民「如果你系果位长辈 你会唔会肯？」。

有网民指，「肯！既然个仔肯供咪换罗，第时走咗渣都冇，益下个仔都好呀！」、「居屋要系父母名， 私楼畀父母要白纸黑字写低」。

但不少网民有保留，「讲到尾都系唔想父母唔响度时，白白畀返间公屋政府啫。 其实无所谓，但我一定要住返间居屋，仲要睇吓个仔性格系咪古古惑惑果只，系就no la，点知会唔会临老俾佢赶出街？」、「好睇平时咩关系，如果明知目的唔系为父母，我做父母就唔制，连屋都无得住咪死」、「咁情况唔会抽居屋，抽时讲乜都得，我识有人就系咁情况，个仔结婚后生咗小朋友唔够住，就千方百计赶个老人家去老人院住，当时仍身体健康，可自己照顾自己的，间屋居就个仔住哂。」

有人也担心会兄弟姐妹不和，「俾我一定唔肯!自己系公屋住得好哋哋，做乜要换居屋?而且，仔女有几个，点解要听其中一个话?」、「个仔供供下唔供咪玩死自己玩死其他仔女？到时兄弟姐妹们为间屋嘈，老人家唔会想见到」。

帖文转自个仔叫父母交公屋用绿表抽居屋

立即下载｜全新《星岛头条》APP：https://bit.ly/3yLrgYZ