独家丨袁富华心愿做齐镜仔老窦《反起跑》演校长过足瘾

2022-03-31 08:00

打埋算盘7位小演员跟Ben 哥都有点关系，「佢哋跟我学生学戏，（你咪师公？）佢哋都系想咁叫，但系我怕丑。」

袁富华（Ben哥）最近在ViuTV剧《反起跑线联盟》演百厌「孔校长」，讲到剧中「学生」，他大赞可爱又专业，不过未有改变他跟女友过二人世界想法，但讲到演戏，他就好享受当爸爸，在ViuTV新剧《季前赛》演Edan（吕爵安）@MIRROR爸爸的他，更声言心愿是做齐12个镜仔老窦。

采访：杜杜

52岁Ben 哥虽然喜欢小朋友，但演父亲可以，做真爸爸就怕怕。

Ben 哥认为同小演员愉快合作，秘诀就是融入他们圈子。

Ben 哥谓到现在也很怀念小演员齐大叫「孔校长」的情景，因剧中童星真的太可爱，而且几岁人仔表演相当专业，令他好感动，「演肥仔同娟姐个囝囝个小演员，有场毕业戏小朋友要逐个上台，佢排到尾二上台，上到台你估佢只手充满啲咩？系鼻嘅分泌物，哈哈！其实佢本身好易鼻敏感，但佢知拍紧嘢，咪唔出声一路搵只手抹，你就见到佢嘅专业态度，呢样嘢系令我好感动。」

剧中Ben 哥跟老友潘灿良大斗演技，相当好玩。

Ben 哥最怀念一班小演员，齐齐叫他「孔校长」。

现实无意做老窦

讲起一班小朋友，这个「孔校长」就劲冧，但跟圈外女友拍拖多年的他，未有动摇不当爸爸的想法，「唔好啦啩！有咁嘅精力凑，我有个朋友佢生两个细路相隔4年，佢都话冇力凑，更何况我呢啲年纪，都系二人世界算啦！两个够晒数，哈哈！」

Ben 哥跟梁咏琪虽然是首次合作，但好快磨合出默契。

Ben 哥首次做MIRROR成员老窦，就是《无限斜栋有限公司》与Ian演父子。

现实不想做老窦，但演戏Ben 哥就唔怕多，仲想做齐MIRROR 12子爸爸，因为他继在ViuTV剧《无限斜㨂有限公司》做过Ian爸爸后，最近在《季前赛》又做Edan爸爸，他大赞这个「仔」够聪明，「其实我唔系第一次同佢合作，《娱乐风云》虽然冇乜对手戏，但系同佢都倾过偈，有场戏我同佢分享，讲咗几句，佢就识得做跟住嗰场戏，所以佢哋成功唔系靠运气罗！我有个心愿，就系做齐镜仔嘅爸爸，哈哈！不过随缘，唔好咁多嘢心！」