陈晓东隔住个Mon向港人送祝福与萧正楠20年前合作话当年

2022-04-10 19:00

陈晓东、陈秋霞和布志伦将于今晚现身TVB综艺节目《总有歌声喺隔离》做嘉宾，东东相隔两年多再次现身TVB，透过视像上节目，但隔住个 Mon都令人感受到佢嘅「超靓样」，皮肤细致光滑，脸上完全看不到岁月痕迹。

笑容亲切的东东，甫现身即指与主持萧正楠和伍仲衡（Harry）很久不见，原来东东与初出道的阿萧曾在2002年合作《百分百感觉》电视剧版，另外他还是Harry的知音人，Harry当年第一首出道作曲作品，便是东东的《爱你躲你》，东东更会在节目中披露当初为何对Harry的作品情有独锺，之后更会以超靓声情深演绎当年这首经典作品。除了献唱及话当年，东东还正色为港人加油：「呢个疫情讲起上嚟系好沉重同严肃嘅问题，我有留意住香港嘅情况，自己都好担心同痛心，真系希望大家可以共同渡过呢段时间，捱过呢个高峰期。」

东东相隔两年多再次现身TVB。

个样真系冇乜点变。

陈晓东为大家献唱《爱我躲我》，好投入。

东东与初出道的阿萧曾在2002年合作《百分百感觉》电视剧版。

唔经唔觉，东东出道接近30年。

另外，移居马来西亚多年的陈秋霞，坦言因疫情关系已两年多没有返香港，并谓对香港很是挂念：「乜嘢都挂住，我哋呢度有你哋嘅台㗎嘛，我日日都有睇新闻同埋你哋嘅节目。」陈秋霞又透露，马拉于疫情初期已实施禁足令，并谓去年疫情期间发生的民间有心人自发性互助活动让她甚是感触：「当时疫情愈嚟愈严重，好多家庭受影响，佢哋连最简单物资、可能系油米盐都冇。嗰时大家就自发如果有人想求救就喺窗度放一条白布，代表『我需要帮助』。」愈说愈感慨的秋霞更哽咽谓：「呢个系我冇谂过会经历到嘅事，都唔识讲……都好彩好多嘢你撑住就会过去…」。秋霞说毕更送上《信》为港人打气：「命运是对手永不低头，香港人大家加油！」