郑世豪累积经验教唱歌疫情靠《爱回家》收入继续追音乐梦

2022-05-01 14:45

郑世豪日前作客TVB娱乐新闻台节目《StarTalk》，接受主播许文轩（Edmond）专访，大谈近年成为唱歌老师教授学生感受，世豪说：「一直有好多人叫我去教唱歌，但初初唔敢去误人子弟，经过自己入行唱歌，多咗好多经验，自己亦都上咗一啲教唱歌嘅音乐课程，所以在疫情下的起心肝决定开始教。而且为咗教堂自己更加学埋钢琴，咁上堂时可以同学生即时练习，依家间唔中一有时间我仲会拍片自弹自唱上载上网。」

郑世豪一直唔敢教人唱歌，怕误人子弟。

接受主播许文轩访问。

谈到歌曲《不易》有份合写歌词，他说：「其实我第一首创作嘅作品就系学车嗰首广告歌，曲词都系我自己写，当时只系当留个纪念。而自己真正试吓作曲就系《完埸前》，不过出咗街之后，发现麻麻，觉得自己都系乖乖唱歌算，之后同咗好多音乐人合作同交流，开始多啲创作知识，自己又开始试吓填词，因为自己都未系咁叻，就同其他人合写，谂住慢慢嚟！」

疫情收入大减，世豪直言有所影响，他说：「一直自己都系自资出歌，疫情期间冇得登台，但好彩仲有《爱回家》令自己有收入，仲可以喺音乐上面追梦，继续出歌。其实要多谢黑妺姐，系佢畀咗好多登台机会我，可以出埠去世界各地表演，嗰几年做咗百几二百场骚，令自己成长得好快，学咗好多唱歌同表演嘅技巧。」