可岚难忘遭前夫冻水淋醒离婚后曾做特技演员赚钱养囝囝

2022-05-08 02:30

2008年出道做歌手、现年36岁的可岚（Colleen），曾经历历时四年的家暴，前晚（6日）担任《360秒人生课堂》的演讲嘉宾，旁听嘉宾则为同样曾遭受情伤问题困扰的林雅诗，以及Patrick Sir（林溥来）。

Colleen最初为了囝囝幸福，决定哑忍前夫家暴；但最后也是因为囝囝一句「No Daddy！Cannot hit Mummy.」决定离开错的男人、与儿子重过新生活。谈到四年的阴暗岁月，Colleen坦言每晚等前夫回家时都是心慌慌：「嗰晚我听到好大声闩门声，我心知不妙，就诈瞓一路唔出声。佢行埋我床边，系咁同我讲嘢我冇应，过咗一阵，佢拎住一盘冻水淋醒我，嗰刻真系好惊。」

可岚最初为了囝囝幸福，决定哑忍前夫家暴，最后亦因囝囝一句话离开对方。

离开前夫后，Colleen独自肩负养大儿子Eugene使命，但由于歌手收入不稳定，经济压力及心理创伤令Colleen一度情绪崩溃：「我每次都打畀同一个朋友系咁喊，有一日我朋友叫我唔好再打畀佢喊，佢话：『我话畀你听你点解喊吖，因为你冇钱！』佢讲中咗我死穴，但我只可以喊住否认，因为我觉得自己冇能力。」

可岚曾经喺朋友面前日喊夜喊。

对于囝囝送上心意卡，可岚大感欣喜。

可岚现在事业略有所成，与囝囝过安稳生活。

旁听嘉宾林雅诗儿子原来转眼间已经16岁，难得林雅诗依然保养得宜。

做特技演员打到周身伤

面对好友爱之深、责之切，Colleen终「发奋图强」拼命赚钱，一人打七份工，教冲咖啡、教唱歌、做电台主持、做保险、Marketing，就连动作特技演员都做埋。有一日她拍完打戏成脚都是瘀伤，当时只有4岁的儿子等到深宵未眠，Colleen跟囝囝讲对唔住，小朋友的反应令她永世难忘：「阿仔当时摸住我啲瘀伤，眼红红咁望住我，我哋就系咁样揽住喊。呢个画面令我之后就算遇到任何困难都唔会放弃。」

坚强面对逆境、成功走出阴霾的Colleen，坦言一度很介意被标签「单亲妈妈」及「家暴可岚」，她表示：「但我而家唔介意，面对家暴同单亲系冇得拣嘅，但我哋可以选择唔放弃。我冇放弃到我小朋友，我继续畀心机好努力、好正面咁过我嘅人生。（离婚）七年嘞，我依家拥有自己嘅餐饮事业、仲可以继续做歌手同拍戏，所以关键系在于我哋嘅选择。」