李佳芯自爆曾被陈豪迷倒幻想对方未婚：真系会中

2022-06-05 22:00

李佳芯（Ali）日前为杨诗敏（虾头）和连诗雅（Shiga）主持的网上节目《丝打围炉》做嘉宾，讨论「10大最易挞着的情景」。Ali坦言可能是「演员底」，小时候很容易被挞着，但长大后会懂得控制情绪，学识分真与假。

预设10个场境当中，Ali直认「拍对手戏」最容易挞着，但庆幸自己较迟开始拍剧，否则很容易因迷失，而「锺意」上对手。被问到有否遇上类似情况？Ali坦白地说：「有呀，阿Mo（陈豪）。」Ali自认是一个慢热的人，但与阿Mo却合作无间，她说：「《潮流教主》嗰阵系敌对，加上我好慢热，嗰时好唔熟，到《跨世代》就真系...我哋系一pair啦，因为阿Mo真系一个好nice嘅人，无论戏内戏外都好照顾人，真系一个好爸爸，好老公。有时去到一个位，嗰时应该系《夸世代》同《杀手》之间，有一刻，哗，呢个咁嘅男人，如果我早多几年入行，如果佢未结婚，真系会中（易恋上对方），因为佢真系一个太好嘅男人，你睇住佢对老婆，佢真系晚晚face time（视像）Aimee，好sweet！呢个男人好到，哗，做老公一流。」

李佳芯接受虾头同连诗雅访问，好多笑声。

Ali话拍剧好容易同对手挞着。

佢就曾被陈豪电亲，仲幻想过对方如果冇结婚.....

陈豪真系好有女人缘，去到边都咁受欢迎。

陈豪出名爱老婆同仔女，喺屋企都戴住口罩保护家人。

另外，讨论到「有难雪中送炭」时，三人异口同声表示很容易被挞着。不过，Ali指自己给人一种很独立的感觉，即使病都不喜欢求救，但其实打从心底是渴望被爱。拍拖时，对方亦感受不到自己被需要：「我冇畀到对方有好需要照顾嗰种感觉，所以佢成日会觉得你会自己搞掂，而我又唔会烦人，做到自己做，叫得人做不如自己做咗，但其实好蚀底。」虾头建议别再装强，Ali亦认同要坦白地表达自己感受：「譬如撒娇，你咪当系情趣罗，例如洗碗，我今晚好攰（撒娇声）用一啲方法令对方觉得，原来你需要关心。」