独家丨敖嘉年梁嘉琪狂攞医生卡片　《嘉嘉医疗自助班》拍上瘾

2022-06-24 07:00

敖嘉年和梁嘉琪相识十多年，最近首度合作主持开电视节目《嘉嘉医疗自助班》，两人都开心表示拍节目有好多得着，因趁机可以疯狂问医生问题，除了自己医学常识有增进，连身边人都受惠。两人更加拍到上瘾，强烈要求开第二季外，更希望二人再有合作机会，嘉琪最想跟嘉年合作拍剧。采访：杜杜摄影：沈健程发型：Rigel Ng@ Rigel's Beauty Arts（嘉年）化妆：Philip Lee@HAiR（嘉年）服装：Bespoked Ian Chang（嘉年）、K times 2（嘉琪）场地：The AIR（The ONE）

嘉琪大赞嘉年令后辈很安心，令急躁的她都变平静。

嘉年欣赏嘉琪有谂法，一切拍档做节目特别有火花。

节目每集就不同主题邀请医生，拆解坊间好多谬误与迷思，嘉琪和嘉年都有趁机向医生请教，嘉琪说：「𠵱家互联网咁发达，大家有病唔系第一时间睇医生，而系上网查，包括我自己都系，但愈查就会愈惊，发觉好多病个病徵好似，所以今次每集拍完，我就捉住医生攞咭片，问佢好多问题，仲帮屋企人问埋。」不过嘉年坦言问完医生，反而好沮丧，「近年我睇得多电话、电脑，近视同散光都加深咗，食啲坊间补养品希望有帮助，但医生话食冇问题，维他命对身体有益处，但系可唔可以令到佢变返好？系唔得嘅。」嘉琪即笑言：「死咗条心啦你！」两人异口同声话，节目会警惕他们更注重生活习惯，才能保持健康体魄。

嘉年和嘉琪虽然是首次拍档做主持，两人都觉得好合拍。

嘉年和嘉琪在节目中会访问医生及嘉宾，这集嘉宾有锺慧冰。

令人安心的前辈

两人拍档后更觉得未够喉，嘉琪更加想跟前辈继续学嘢，「可唔可继续呀！？我不嬲好欣赏嘉年，一路都好想同佢合作，每次见到佢，畀我觉得好安心一个前辈。」嘉年搞笑问她：「有啲咩前辈系好危险㗎！？哈哈！」嘉琪再补充，「安心系喺佢面前做任何嘢，都会好包容我，佢又有个好静嘅气场，因为我个人好急躁，今次知道同佢合作，第一个反应系『Yes！』。」而嘉年则赞嘉琪聪明，是个好对手，「合作最紧张开心，佢又好活泼，好清楚点样做，有自己idea，主持方面佢系我前辈，主持嘅火花系好紧要，除咗医疗之外，我哋可以有其他合作。」嘉琪即提议，「我好想同佢拍剧，好想同佢学习。」