独家丨简民迪见尽娱圈人情冷暖由唱片高层转战开车仔面店

2022-07-08 08:00

前华星唱片高层简民迪（文迪），曾是EO2、狄易达、贾晓晨、陈文媛及裕美等的经理人，近年转战饮食界，于观塘开设车仔面店，投资几十万属小本经营。于娱乐圈打滚20多年，民迪意兴阑珊：「呢行好现实，艺人觉得你帮唔到佢会怨你，至少萝卜、鸡蛋、鱼蛋唔会闹你！」采访：方骞平摄影：沈健程场地：火鸡姐嗱喳面@成业街16号怡生工业中心

简民迪转战嗱喳面食店。

简民迪坚持要有70年代嗱喳面味道，所以搵嚟老师傅做大厨确保质素，店内主打大只佬牛肉羮、小强及火鸡姐嗱喳面，要求好食兼抵食。至于店名以电影《食神》中「火鸡姐」角色为命，除咗觉得几代表到香港，原来同莫文蔚(Karen)有段小故事。

店名以电影《食神》中「火鸡姐」角色命名。

简民迪推介店内三宝包括大只佬牛肉羮、小强嗱喳面及火鸡姐嗱喳面。

艺人好现实问候都冇句

民迪记得在滚石唱片任职时有次瞓过笼，搞到接唔到莫文蔚，要Karen自己坐的士返公司整头：「我一入门口就鞠躬向佢致歉，佢不但冇怪责我，仲奉上三文治话『食早餐啦！』嗰刻真系好感动，𠵱家就算啲伙记做错嘢都唔使闹人，咁样佢哋仲会深刻记住，至今我同Karen仲系好好朋友。」文迪在华星时跟过梅姐(梅艳芳)做唱片宣传，「梅姐提醒我要做潮流先驱，做生意都一样。」至于疫情期间甚少公开露面嘅陈奕迅都有落铺撑他，民迪最记得当年大家经常踼拖去摩利臣山泳池操水，之后一齐食早餐。