古天后日志｜减关税消息一旦落实或成好消息出货

7月11日，天晴，天气酷热。上周五美股表现反覆偏软，道指跟纳指分别跌46点及3点；纳指则升13点。虽然美股上周反弹，但标指跟纳指周五已升抵阻力位，加上入市资金有减少，似乎单日波幅扩大，令唔少投资者开鈶却步，美股渐渐步入无方向状态。嚟紧美股将开始业绩期，一旦美企业绩交唔到功课，美股料有一波震荡。

另一方面，就业指数目前仍然强劲，空置职位超过千万份，失业率保持喺3.6%低位，6月新增职位仍有37万份，空置跟失业比例仍高达2比1，呢个就业数据令美国有条件喺7月继续加息。只不过唔少企业喺6月开始提出裁员，要留意未来两月就业市场变化。至于7月底议息需要加息0.75%已广为市场接受，而市场亦普遍相信至今年式，息率将加至3.5%，30年债正正高企于3.5%水平，而10年债息亦重返3%之上。当息率升至3.5%水平，亦预示经济有机会步入衰退，经济衰退嘅情况下，息率将有下调空间，呢个亦系资金沽短债买长债，令长短息出现倒挂嘅原因。

港股未见有好消息

至于港股呢边，暂时未见再有好消息出嚟，7月1日回归亦未见内地有向港送大礼，而有关美国放寛对华关税，亦一直只闻楼梯响，喺无乜利好消息下，港股只有喺现水平先作整固，暂时大市喺21000至22000之间上落。

不过就算美国方面就放宽关税，都唔系天大好消息，留意返美国嗰边主要系为咗压抑通账而倾向只放寛消费品关税，货品綼值大约喺100亿美元左右，但同时有意限制科技类产品进口，受影响货品总值可能达300亿美元。中美贸易战已持续四年，加上呢两三年疫情期间，为咗解决供应链问题，唔少本来喺内地嘅生产线，早已迁至东南亚地区，甚至回美国，已搬走嘅生产线，并唔会再搬返去内地，即系减唔减关税，对减低生产成本嘅帮助，已唔算好大。即系减关税消息就算落实，亦未必对中港两地股市有重大利好支持，反而有机会系好消息出货。

古天后

(徐狄怡，证监会持牌人)