Strayz处女作《Stray》出街画花块面通宵拍MV

2022-07-14 14:00

由参加《全民造星4》而认识的VAL、CK、暐翘、榛綦及Ariel，自资组成女团Strayz正式出道，出道歌《Stray》亦于昨日推出。MV中众人以黑白两个截然不同的造型登场，以突出她们勇闯乐坛的决心。

Strayz队名源自「Stray（流浪）」一字，队长VAL、副队长CK、暐翘、榛綦及Ariel五人自喻是一班流浪的小朋友，而出道作《Stray》由VAL及CK作曲、方浩权、VAL及PetPetShawn填词，当中的创作概念与队名亦如出一辙，VAL表示：「《Stray》讲紧追梦路途可能会遇到困难，但只要努力，坚持我哋想走嘅路，就可以搵到一条出路。」

全白歌德风格服装，象徵女团对流浪事情的伤心。

为了突出她们的想法与加入乐坛的决心，歌曲的MV也特别花了心思，以黑白两个抢眼造型示人，CK介绍两个造型道：「第一个系喊妆，配以全白歌德风格服装，象徵住对于流浪呢件事情嘅伤心、不愤、不甘，但系我哋其实系好纯洁嘅动物，都有一颗赤子之心；第二个造型有脸部动物彩绘，身上著咗比较正统嘅黑色服装，象徵住我哋反璞归真，我哋就系流浪嘅动物，我哋就系咁嘅样，我哋系高贵嘅存在，唔输比其他人嘅存在。」

VAL对彩绘造型印象深刻。

CK为新歌MV执导。

惊叹化妆姐姐功力深

谈到首次拍摄《Stray》MV的难忘事，Ariel笑言：「我哋5点钟开始化妆，完成系第二朝11点，完成嗰一下系开心但好攰，出到嚟见到天光，大家都唔识反应，好似就嚟死咁，但系嗰日真系好开心同好好玩。」VAL则对彩绘造型印象深刻，她说：「细细个化过好多次猫嘅妆，但第一次试狗，对我嚟讲化一个狗仔嘅妆系一个好特别嘅尝试，睇住逐一变咗不同动物：兔仔、猫仔，件事好正，对MV好有期待感。」

Ariel对通宵拍MV好难忘。

榛綦的喊装好抢眼。

暐翘对MV细节好讲究。

榛綦亦大赞化妆师的鬼斧神工，「我哋都想畀到惊喜大家，所以妆容上面都落咗好多功夫，变嘅过程好神奇，由喊妆变动物妆，令我好难忘，亦好佩服各位化妆姐姐。」至于暐翘，则难忘在歌曲的演绎上，她说：「因为《Stray》系讲紧我哋嘅故事，有好多内心嘢或者拍MV时动作上嘅细节，令我哋谂返由《造星4》开始所有嘅感觉、感受同感触位。」