张致恒反口唔结扎仲想追个女遭质疑点养3个仔霸气回应：唔关你事

2022-07-16 19:00

37岁的张致恒（Steven）与女粉丝区燕雯（雯雯）于2019年奉子成婚，三年抱三，分别诞下3岁大仔天宝、两岁二仔天牧，以及刚出世个多月的细仔天朗。不过，2人的婚姻波折重重，Steven被指欠债未清，年初时太太雯雯自爆「我们离婚了」，但不足3日又火速复合兼宣布怀有第3胎；之后生活也不好过，被逼搬屋，雯雯更暗示生活难捱，令唔少网民都好担心他们一家五口。

雯雯曾暗示生活难捱。

为全屋玩具解画

工作量不多的Steven日前透过社交平台开直播与网民互动，大卖温情，三个儿子轮流出镜，老婆雯雯则没有现身。Steven透露因疫情关系，大仔今年没有上学，明天才跟二仔一齐读书；而早产的细仔健康情况已好转，但间中仍有呕奶情况。直播期间见小朋友好活跃，而且全屋都是玩具，Steven解释：「阿婆、舅父、太婆好多亲戚成日送礼物，所以我哋唔使买玩具。」

三个仔轮流出镜，大仔天宝。

二仔天牧。

细仔天朗。

Steven 话细仔好混血样。

Steven自言小朋友是他们的财富，会悉心凑大他们，他说：「系一种缘份，好多人点博都博唔到个小朋友出嚟，我就唔知点解走咗三件出嚟。」有网民指他个样变老，他直言凑小朋友好攰好辛苦，而且EQ亦比以前差，曾试过拎起手想打仔，但最后都收返，他解释：「要知道一样嘢，唔可以令佢哋受伤，你唔可以因为好嬲而打佢，打到惊你为止。我试过几次拎起只手…都系算啦！唔打。」

曾扬言有意做结扎手术的Steven，被问会否追多个女，他起初以担心老婆「个肚跌咗落嚟」而唔追，但再被追问后便说：「或者5年后，如果情况许可就追多个女，都系嗰句，同我老婆都惊再追多个仔出嚟就大镬！成屋都系男人，阳气过盛。」

Steven 话三个仔都系天赐。

大仔疫情关系，今年未有返学。

Steven被网民质疑点养3个仔，佢视线一直望向镜头外。

他表示知道太太这几年都好辛苦，但对于有网民质疑「生咁多做乜」、「有钱养咁多个」？Steven嬲嬲地反问：「一定要有钱先养到咁多个？边个话有钱先可以养咁多个？」再被质疑教不到三个小朋友，Steven霸气回应，一直倾视未有望向镜头说：「咁都唔关你事㗎，系咪先？生3个系我嘅问题。其实担心啲咩？不如担心我嗰啲人顾吓自己先，连自己都未顾掂，做咩理我啲嘢？我又唔系要你帮我凑，系咪先？」