有个闺密叫祖蓝丨碌爆人情卡请女性闺密定「三不规条」唔怕激嬲老婆李亚男

2022-07-23 15:30

由TVB首席创意官王祖蓝担任主持的全新综艺节目《有个闺密叫祖蓝》，将于本月31日（周日）起播映。出名异性朋友多多的祖蓝，为了《闺密》可谓碌尽人情卡，先后请来老友、知心朋友及新认识的啱倾好友云集新节目，且覆盖年龄层甚广，最年青有最近凭《声生不息》人气急升、17岁的炎明熹（Gigi），最资深代表则是与祖蓝同走搞笑路线、58岁的苑琼丹。

祖蓝真系「美女磁石」，同圈中好多美女都成为闺密。

祖蓝还邀请另外六位嘉宾蔡少芬、胡杏儿、薛凯琪、容祖儿、杨千嬅及陈松伶，众人之间的共通点，就是与祖蓝一样「够晒无聊」，小小事都可以玩到不亦乐乎。为了让八位嘉宾倾得尽兴、玩得过瘾，祖蓝刻意将拍摄日程安排得「有咁忙得咁忙」，每集嘉宾除了要完成指定的「闺密任务」，更要按节目组及祖蓝「心情」额外被加码其他小游戏，当中有小学鸡级别的、「互相伤害」Mode、「真情」Mode、烹饪斗室及时光倒流情景题等，务求让观众及嘉宾每一刻都有惊喜。祖蓝受访时笑言：「拍呢个节目真系好忙，都辛苦节目组度咗咁多嘢出嚟。最搞笑系，每个上完嚟嘅嘉宾，都同我投诉话：『乜唔系上嚟倾偈㗎咋咩？点解忙得咁紧要㗎？好攰呀！』」

祖蓝话一直都唔知自己激嬲过蔡少芬。

同炎明熹系新认识、而且好啱倾嘅好朋友。

祖蓝同苑琼丹都系走搞笑路线，难怪咁啱倾。

谈到宣传片中与女嘉宾有不少亲密接触怕否激嬲太太李亚男，祖蓝闻言笑笑口谓：「我老婆识咗我咁耐，都知我真系有唔少异性好友，但佢相信我系清白嘅。不过佢为咗安心起见，都喺节目一开始透过节目组同我约法三章，仲定埋『三不规条』，系咩就唔讲住，大家睇第一集就知㗎喇，亚男同我囡囡都会周不时喺节目『客串』。」祖蓝又谓拍摄过程最让他惊喜的，是有些「闺密」的心事，也是透过这个节目才知晓：「好似第一集嘉宾蔡少芬咁，原来佢嬲过我嘅，但我当时真系完全唔知，我事后听番都觉得自己好过份。」祖蓝又透露由于节目拍摄期间撞正内地爆疫情，故邀约嘉宾及拍摄过程不无阻滞，幸好节目最终能顺利完成，并希望能为观众带来欢乐。