MIRROR演唱会丨梁思浩质疑「赚住做」仍意外频生开名阿花应引咎辞职

2022-08-05 19:00

MIRROR 红馆演唱会上月28日发生坠屏事故，MIRROR经理人黄慧君（花姐）日前协助警方调查，直至今日（5日）首度发文，强调「MIRROR和我一定会撑住」展示上下齐心。

意外后，有不少声音觉得MakerVille的CEO鲁庭晖和花姐应要引咎辞职，但亦有网民反指「关花姐咩事」？不过，日前梁思浩在其主持的网台节目《大家「真」疯骚》上，就认为花姐责任最大，激动地说：「有一个人我觉得成件事系难辞其咎㗎，嗰个就系阿花！」

节目除了梁思浩外，还有李思蓓和Mandy两位主持，他们谈论MIRROR演唱会发生的惨剧，梁思浩指事发后好多人为「搵食」不敢发声，而他则点名称赞王贻兴、「阿姐」汪明荃和郭富城敢于表达意见，赞他们像英雄一样。而曾做过演唱会监制的梁思浩自觉有权发言，觉得演唱会门票一早售罄，代表是「赚住做」，质疑主办单位：「赚住做你仲喺度悭。」

梁思浩外、李思蓓和Mandy一齐主持网台节目《大家「真」疯骚》。

梁思浩提到演唱会事故好激动，觉得阿花应引咎辞职。

一直有传演唱会未有充足的时间做彩排，而最后一日更是在排舞室进行，李思蓓指在TVB做台庆或《欢乐满东华》都会做rehearsal，认得事件不合理；梁思浩直指监制和经理人都应该要站出来承担：「如果你要做一个监制，你要做一个经理人，你哋搵紧钱㗎嘛，你哋点解唔肯有膊头企出嚟，你要班细路仔去面对呢？嗰12个细路仔好惨喎，去面对。」

梁思浩之后愈讲愈激动说︰「我够胆讲一样嘢，我都系俾人哋轰㗎喇，我一噏个名就俾人哋轰㗎喇，但系我唔怕嘅，我从来觉得系有嗰句讲嗰句，你系一个监制，甚至你系一个经理人，如果你rehearsal睇到有危险，你需唔需要保护你啲艺人先？」他又指12子是帮手搵钱，之后开名说：「所以我话畀你听有一个人，我觉得成件事系难辞其咎㗎，嗰个就系阿花啦！阿花，老老实实啦阿花，如果你系呢12个细路仔嘅经理人，你有睇rehearsal㗎嘛！你有去睇㗎！如果你话俾我听你冇睇，仲衰！」

唔好物化12子成生财工具

李思蓓还提到早前姜涛曾在活动上晕倒，质疑12子工作量大，能够去彩排的时间有数得计，尤其特别红几位。而梁思浩就关心12子辛苦几年，究竟有几多钱落袋？再度提出经理人的职责是要预先把关，他说：「当时你系一个经理人，又或者系监制，你觉得有危险，系咪要出声先？因为所有幕后嘅人已经开始讲，其实rehearsal已经有危险，rehearsal有危险，你唔系新人嚟嘛，你做得监制，你钱就袋落袋，责任唔使你孭啊？呢个世界冇咁唔使找钱嘅午餐㗎！」李思蓓亦希望外界勿将12子「物化」，他说：「大家知道，呢12个小朋友系可以帮公司赚好多钱，但系你哋麻烦都要认清楚，佢哋都系人嚟，唔好物化佢成为一个生财工具，呢啲小朋友系人嚟。」