独家丨罗敏庄认为无需过份恐慌　 泰国生活如常唔担心被「卖猪仔」

罗敏庄（Mimi）上月底跟老公陈国邦齐陪囡囡陈禛到泰国升学，亦有留意近日揭发有多名港人经泰国被「卖猪仔」到柬埔寨等东南亚国家，期间遭禁锢从事网骗工作及被虐待和勒索案件。Mimi强调在泰国一切生活如常，未有特别担心人身安全，又认为案件只属个别事件，无需过份恐慌。采访：杜杜

 

陈禛在泰国第一日开学，心情好兴奋。

 

阿邦拖住陈禛返学，真系好温馨。

 

Mimi和阿邦趁陪囡囡开学，两夫妻在校园周围参观。

Mimi虽然身在泰国，但跟阿邦每日都有留意香港新闻，所以亦知道人口贩卖的消息，对于有指泰国成为「卖猪仔」中转站，她在当地未有听闻这种情况，「我哋生活喺呢几区，完全冇、亦都冇听过香港所讲嘅情况，可能系一啲偏远嘅地区发生啦！我哋完全唔担心，因为我哋见到所有人都正常生活，泰国本地嘅朋友直情系冇听过呢单新闻𠻹！」

Mimi谓平日少出夜街，通常都是去商场逛多。

事件令旅游业雪上加霜

Mimi又认为他们一家三口都少出夜街或到偏僻地方，所以唔太担心人身安全，「我哋本身都好少出夜街，又唔系夜蒲嘅人，我哋亦都唔会去啲好偏远、好偏僻嘅地方，最多去啲商场同食肆，所以都好安全。」Mimi又话连畀人呃的机会都细，「我哋又唔系喺度搵工，又唔系需要网上情缘，我谂好难畀人呃。」

Mimi早前跟「泰国通」胡慧冲在当地相遇。

不过Mimi认为事件会令到当地的旅游业雪上加霜，希望大家无需过份恐慌，「讲到泰国好似好恐怖咁，佢哋嘅旅游业已经系好惨，仲要呼吁啲人唔好嚟呢度，真系惨上加惨，我接触呢度好多人，好似我屋企嘅保安、清洁工、或者餐厅员工，全部都好好，令我有宾至如归嘅感觉，应该帮佢哋讲返啲嘢罗！」

 

Mimi笑指两夫妻在家日常，就是Chill住过。

 

立即下载 | 全新《星岛头条》APP https://bit.ly/3yLrgYZ