陈明憙拍MV亲密戏夹好晒极速收货落水要睇实个妆呻辛苦又腌眼

2022-08-26 12:00

陈明憙（Jocelyn）日前推出《音频治疗单曲系列》第四部曲的《放下的频率》MV，当中见她与男主角非常亲密，除有接吻戏外，二人更要落水：「我其实好少演出自己嘅MV，呢次都好辛苦，因为又打交又要锡锡，一时甜蜜一时分手，情绪起伏好大。其中落水戏份都好辛苦，要睇住个妆有冇溶，又要笑住咁望镜头，明明啲海水好『腌眼』都要扮无事。咁大家都知道系拍摄工作，所以亲密动作都唔会尴尬，事前都夹好晒位，所以好快搞掂收货。」

Jocelyn与男主角有亲密镜头。

Jocelyn个样好冧。

Jocelyn在MV中情绪起伏好大。

另一场景见到二人争吵，全屋的水晶小摆设都被摔倒，Jocelyn表示是「暗藏玄机」：「今次首歌录咗水晶钵嘅声音，水晶钵好容易打烂，同人嘅心灵一样咁脆弱。拍呢场戏都好投入，只手瘀晒，仲要拍通宵，希望大家支持吓。」她坦言现实中并不任性，平日不会乱丢东西发泄：「我份人好理性，即使几Hurt都好，都唔会乱丢嘢，𠵱家自己住，丢完咪又系我自己执翻，仲惊啲猫猫整亲，最多用音乐治疗平静吓心情，甚至好『自虐』咁写歌，因为呢啲情绪唔系成日有。」

歌曲讲述「放下」，Jocelyn指对自己有难度：「因为我系金牛座，所以比较长情，要放低祝福旧爱都好难。今次我都邀请咗啲艺术家，用佢哋嘅方法去表达放下嘅感觉。」