梅妈否认被禁锢闹爆梅启明揭衰仔美国留种仲有两个仔

2022-08-31 08:47

已故香港天后梅艳芳母亲梅覃美金早前登报与儿子梅启明脱离母子关系，梅启明指控侄儿梅柏麟滥用梅妈每月25万元的生活费，私人看护「郑姑娘」则压迫梅妈登报与他脱离母子关系，日前入禀高等法院向梅柏麟申索500万元，另向「郑姑娘」申索300万元，告上法庭向他们索偿合共800万元。但根据司法机构网页显示，案件暂未有聆讯排期。被梅启明指遭侄儿及看护禁锢的梅妈昨天接受D100节目《娱乐小奶妈》主持潘小文访问时，否认遭人软禁，节目播放的梅妈录音对话，梅妈提到个仔梅启明相当劳气，激心激到系咁咳，又形容(生)4个仔女中呢个衰。节目中梅妈更力数他不停苛索要钱钱钱，仲穷风流，四处留种︰「佢喺美国...有『苏州屎』，仲有两个仔！真阴功罗...」

梅妈昨天接受D100节目《娱乐小奶妈》主持潘小文访问时否认遭人软禁。(D100《娱乐小奶妈》潘小文图片)

梅妈讲到个梅启明就好激心。

系咁索钱永无宁日
被梅启明指遭侄儿及看护禁锢中嘅梅妈接受D100节目《娱乐小奶妈》主持潘小文访问时强调自己虽然有啲唔舒服，但系清醒，仲第一时间力撑看护郑姑娘照顾得她好好：「郑姑娘好到搵唔返第二个。」被问到禁锢一事，99岁的梅妈中气十足反问︰「边个想禁锢我！佢（梅启明）想禁锢我就真，所以我先要避佢，搬到咁远呀，因为佢成日都追住话︰『喂，钱呀钱呀钱！』永无宁日。你话一个月畀一万、二万、三万，固定咗我可以做得到，我都会做，但你唔系喎！攞钱冇固定时间，你叫我点到呀？我都系靠阿梅(遗产)嗰啲啲做生活费，我又租楼，呢度都两万几蚊租。」

梅妈话梅启明眼中只有钱钱钱。

梅启明指梅妈遭侄儿及看护禁锢。

主持潘小文再问梅妈一次︰「你𠵱家有冇畀人禁锢？有冇畀人锁喺间房，锁喺屋唔畀你出街？」梅妈语带坚定话答︰「全部冇呢啲咁嘅事！唉，佢锺意点讲就点讲，我都唔识讲，自己生个咁嘅仔。」

梅妈受家事困扰变得憔悴。

唔信孙仔身患重病
提到梅启明早前指14岁的儿子身患重病，急需要梅妈「放水」为儿子医病。梅妈即说︰「我唔信佢，你叫佢畀我睇吓，佢(孙仔)睇咩医生，畀医生纸我睇吓，我尽我自己可能，帮得多少都帮。佢𠵱家老婆同仔都唔顾，仲四围去住揽女人，唉，我都唔识讲，自己生咗咁嘅仔。以前佢都仲去做吓嘢，直至识到嗰啲女人更加无聊...」

梅妈好锡个孙仔。

美国『苏州屎』有两子
梅妈又闹爆个仔：「几十岁仲去搵女人搞搞震，（我）啲钱好辛苦㗎，阿梅啲钱(遗产)系用嚟做生活费㗎，唔系畀你拎出去玩女人㗎！你有钱去玩你个事，我每使一毫子都系阿梅嘅辛苦钱。」对于梅启明「包二奶」，梅妈嬲到爆话：「佢有钱包10个都唔关我事，我讲明，玩女人我一毫子都唔会畀钱你。」当问到以前有冇试过「包二奶」？梅妈指他以前唔系香港，会四围去，还爆料他四处留情及留种：「佢喺美国又有『苏州屎』，仲有两个仔！真阴功罗...佢风流，咩唔风流呀。」