陈静将赴美进修顺道雪卵 强调唔会为生仔而结婚

陈静（Dada）以爱心大使身份到铜锣湾出席中秋活动记者会，以露腰短裙打扮现身的她笑指自5月社交距离放宽后经常与家人及朋友聚会，搞到肥了约2公斤，故活动前只吃了蛋白来保持身形。

即将到美国进修的Dada表示将于中秋后出发，今次将会到洛杉矶及纽约等地方3个月进修语言、戏剧及画画：「呢个系我梦想，趁有时间去增值自己。（离开咁耐怕唔怕唔惯？）系，第一次，不过唔会唔惯，因为有蔚雨芯（Rainky）一齐去游学。」Dada大赞Rainky是一个爱笑又有正能量的人，故觉得跟对方一起可以有好多欢乐，问到离港3个月，会否失去一些工作，Dada说：「唔惊，始终有啲回忆同经历系钱买唔到，钱可以再搵，呢个系难得嘅时机，亦都好难得有个伴可以同你一齐话飞就飞。」Dada又透露此行会顺道雪卵：「我可能喺外国雪一次，返到香港又雪一次，（听讲好痛！）我唔怕痛，系惊肥。我短时间内又冇规划，又冇另一半，所以觉得佢游学嗰阵顺便做埋，（搵到另一半就唔使雪！）讲咁易！不过我都唔会为生仔而结婚，呢样唔系我嘅谂法。」

 

陈静以爱心大使身份到铜锣湾出席中秋活动记者会。

陈静透露中秋节后会到美国多地进修。

陈静（中）此行会顺道雪卵。

陈静表示可能赴美雪卵后，回港会再雪多次卵。

陈静表示唔怕痛。

陈静话唔会为生仔而结婚。

 

立即下载｜全新《星岛头条》APP：https://bit.ly/3yLrgYZ