「细龙太」花逾十万改名陈思圻 透露拍《爱回家》被欺凌：直接X交叉你
2022-09-09 18:30 
港姐出身的陈伟琪（Vicky）2017年在无綫处境剧《爱．回家之开心速递》演「细龙太」成功入屋，两年前涉醉驾后与无綫解约，一度转行。最近为香港开电视主持水着节目《Summer Girls》复出。近日Vicky接受林柏希网上节目《月倾会》访问，大爆当年拍《爱．回家》秘史外，还透露近日已经改名「陈思圻」，她说：「我想有个新开始罗，我想喺我人生里面有个新chapter！」
Vicky透露向朋友借六位数字改名：「唔做旧公司（无綫）大概年半，我个人有啲lost（迷失），问我朋友借钱，逐个月还返畀佢哋。我嗰阵时都有返工，做紧一个headhunt嘅executive search firm。」更大方透露只有约两万人工。外界一直盛传Vicky家境富有，住独立屋，她否认说：「我唔知点解传到系独立屋，细个嗰时，嗰时系家境OK，住跑马地住咗20年度，之后就搬咗。」因为父亲已经退休，现在也会「悭住使」。
拍《爱．回家》期间受委屈
离开无綫两年，Vicky依然为「细龙太」一角感到骄傲：「一世做细龙太都得，系我演活咗呢个角色，唔系个个都做到细龙太㗎嘛！」不过其实拍《爱．回家》期间，Vicky受到不少委屈：「好多人会想教你点样做嘢，你教我系真心想教我吖？定系你想show畀大家睇，你系number one呢？直接就X交叉你『你识唔识做戏㗎？X交叉你。』我谂紧点样做，佢已经开始X交叉你啦！」之后就连导演也一起闹：「我拎住个电话，睇紧剧本，或者我嗰part戏份，就cut cut cut cut cut，『做咩事呀你？做乜玩电话？』」
想演堂哥Frankie上司
Vicky曾加入无綫，现在又为开电视主持节目，三大免费台中只剩ViuTV未有合作，而MIRROR成员陈瑞辉（Frankie）就是她的堂哥，问到会否找Frankie介绍拍ViuTV节目，她拒绝说：「我唔想影响我堂大佬，唔会用呢啲卡住！」两堂兄妹由细玩到大，她大赞Frankie小时候已是靓仔、顺得人的乖仔。她还笑说如果堂兄妹合作，不会想演情侣：「我哋平时出嚟，好鬼正经㗎嘛，唔系拜山见就系拜年！我恰佢，梗系好玩㗎！（你做佢女上司罗！）都OK喎！」
有电影人想用2万包养
身材fit爆的Vicky随后更大爆有电影制作人想䶢湿她：「话签我做artist，之后佢同我讲，『你收入咁唔稳定，不如跟我出trip做我女朋友，我就每月畀两万蚊。跟住佢已经行过嚟想咀我，我吓到傻咗。」Vicky更爆有人曾开天价80至100万找她做主持：「佢想我着啲咩衫，又话有几多位老细喺度，佢话要招呼咁多个老板㗎喎，我就心谂，咩叫招呼呢？」
立即下载｜全新《星岛头条》APP：https://bit.ly/3yLrgYZ
星岛头条App 经已推出最新版本，请立即更新浏览更精彩内容。
最新回应