独家丨颜卓灵经常崩溃爆喊吓亲吴海昕小齐拎牛肉刀教戏苏丽珊遇邪嘢

2022-09-20 07:00

惊栗片《失衡凶间》结合3个诡异短篇故事《死场》、《唐楼》及《暗角》，其中以颜卓灵在《暗角》中角色最阴暗，经常崩溃爆喊，相当痛苦，不过坦言作为演员就系锺意犯贱。吴海昕认为顺带发泄个人情绪会好啲，她又力证颜卓灵真系好入戏，配音时睇到对方演出被吓亲；至于苏丽珊试戏时就遇到啲邪嘢，觉得好灵异。采访：方骞平

吴海昕(左起)、颜卓灵、苏丽珊于新片《失衡凶间》中各有发挥。

吴海昕、苏丽珊、颜卓灵谈拍摄花絮。

颜卓灵形容每个人心中都会有只怪兽。

苏丽珊拍《失衡凶间》遇邪嘢。

吴海昕认为拍戏顺带发泄个人情绪会好啲。

颜卓灵坦言作为演员就系锺意犯贱。

吴海昕片中情绪转变好大。

苏丽珊好爱演戏。

颜卓灵在《暗角》中饰演歌手，由于读书时目睹堕楼者死不暝目造成心理阴影，长大后开始怀疑人生，内心出现好多斗争，尤其讲到要还原经历时，变得相当痛苦，但演得过瘾，对她来说是一个突破：「其实每个人都有黑暗一面，好似有只怪兽喺身咁，人性共通点系有善恶，唔攞出嚟讲唔代表冇，睇吓点样去处理，单纯善良就唔会有戏剧。」

颜卓灵演情绪病人，有大量爆喊镜头。

日前《唐楼》导演冯志强率颜卓灵及植咏珊到戏院谢票。

片中阿旦帮她捉「鬼」。

不停爆喊好崩溃。

开始怀疑人生。

小齐演恶形恶相江湖大佬

吴海昕喺《唐楼》中演一位有神经质嘅小说家，所以不时会「跳掣」，情绪转变好大，上一秒好恶下一秒就丧喊，而且要一镜头尾，好有发挥：「好彩有小齐(任贤齐)呢个好好嘅对手，及导演团队令我加添咗信心，尤其同偶像小齐合作，好记佢见我有啲紧张，就行埋嚟提点我『有时拍恐怖戏唔使谂得太多，因为现场环境经已好得人惊，不如做少啲。』佢真系一位好照顾人嘅前辈，最搞笑当时小齐系做紧恶形恶相嘅江湖大佬，佢攞住把刀行过嚟教我，同佢扮相有好大反差。」

吴海昕做神经质作家，行为怪异。

小齐做江湖大佬，手持牛肉刀演出。

戏中小齐系唐楼租客，同吴海昕有对手戏。

另外，苏丽珊于《死场》中做专爆人内幕嘅KOL，不停去商场做直播，期间发生唔少灵异事件。除咗要应付好长嘅对白外，掌握情绪都要明快，她表示拍摄期间发生一段小插曲：「原先陈果导演想我分饰埋孖生姐姐，当晚我喺屋企练吓讲啲好有仇恨性嘅对白时，枱灯无啦啦唔正常咁闪，最后因为拍摄问题分唔到身做埋家姐角色，谂返唔知系咪个天有暗示。」