独家丨胡美贻何泳芍拍到好攰懒得斗靓《港女野人》身材激凸又著得少

2022-10-17 07:00

何泳芍（Honey）、陈若思（Amber）、廖慧仪（Jessica）及胡美贻（Nicole），四位港姐出身的索女参与J2行山真人骚《港女野人》，节目中4人着Bra top化身性感野人，挑战上山下海。Honey解释主要配合季节，酷热天气下要保持清凉；Jessica就话睇状况着衫，最重要有保护性；Nicole坚持做返自己，唔存在斗身材。采访：方骞平摄影：邓国良

陈若思（左起）、何泳芍、胡美贻及廖慧仪个个有样有身材。

节目中四女攰到唔会斗性感。

四位港女野人好想开第二集。

四人上山下海挑战体能及耐力。

四女宿营期间大谈人生。

四人好多体力劳动。

好辛苦咁爬山。

疫情下《港女野人》拍足7个月，横跨春夏秋冬四季，所以4人着运动Bra top及羽绒亮相，节目中有唔少大晒身材画面。4人否认靠着少啲抢Fo，Amber表示，试过35度酷热天气下进行户外及水上活动，为怕中暑惟有着得清凉啲嚟散热；Nicole反而坚持着长袖衫踩单车，咁就唔会晒伤及刮伤；Jessica相信愈着得少去行山愈危险；Honey笑言大家当时都攰到死，会互相礼让：「你去你去(拍摄)。」

着运动Bra top嘅Amber细细粒，但身材亮眼。

Honey及Nicole唔理身势进入野人状态。

廖慧仪喺蚺蛇尖做瑜伽。

胡美贻都着得好清凉。

厚褛亮相。

四个囡囡各有卖点
Nicole强调，拍摄时抛低港姐包袱进入野人Mode，已唔会再计较我靓啲定你靓啲，只系想做返自己最真实一面，后期她更剪短头发，甚至会用海水Gel头。另外节目中唔会有斗靓竞争环节，大家亦冇时间处理妆容，有集她和Jessica在旅行车瞓醒，眼屎都未清理，头都未梳就被拍，首个反应系吓到遮面。Honey称4人素颜出镜，属完全放弃治疗妆。问到4女边个身材最出众？Nicole认为大家都有长处，大赞Jessica有前有后有腹肌，身材fit到爆；Amber虽然细细粒但有黄蜂腰；Honey长腿兼有34D好身材；而她胜在身高1米68，会高啲啲。另外，Honey拍摄期间曾扮拗柴受伤行唔到，由Jessica及Nicole轮流孭住落山，行咗成个钟，即使系造假，姊妹情深都好感动，事后大家都激动爆喊，令她最难忘。