谢宁拍古装戏遭对手摸肚变摸胸？ 疑被男主角抽水片段出土逐格睇！
2022-11-07 14:00 
前港姐冠军谢宁近日接受杨绍鸿和文颂娴主持的港台节目《一起走过》访问，当年港姐御任后，谢宁加入娱乐圈做艺人，参与过不少古装剧的演出，被誉为「最靓古装扮相」之一。杨绍鸿突然在节目上向谢宁公开道歉：「可能佢已经忘记咗呢件事，不过我都觉得要处理吓，嗰阵有场古装戏，系话谢宁某一个人强奸咗，之后有咗bb，之后返去同老公讲，本来系话谢捉住对只手，摆落自己个肚上面，意思系话自己有咗，嗰个男主角系有好大反应。」他续说：「点知埋位变咗系男主角捉住谢宁只手，由个胸扫落去肚，嗰阵谢宁块面系黑晒，仲有啲想喊，我自己睇完都打咗个突，排戏都唔系咁，我唔评论佢系咪故意，亦唔讲得佢系边个，但系嗰阵我唔识得点处理，真系好唔好意思！」不过谢宁对这件事没有印象：「我真系唔记得呢件事，原来我都畀人恰过，好彩我都唔记得，冇乜记性，可能嗰阵佢知我系妹妹仔，又系啱啱入行，如果而家我会即刻叫！」而杨绍鸿亦未有透露详情，只在节目上开始时，称与谢宁在蒙古相处过一段时间，当时是拍《成吉思汗》。
【点击睇谢宁当日疑似被抽水的片段】：
在节目上重提参选原因，谢宁直言绝非因为名与利：「我唔识呢啲嘢，我记得嗰阵系好奇，加上做秘书同教琴嘅生活好苦闷，我成日觉得做人要靠自己努力，唔系要等人安排，所以咪决定报名试吓。」她又称自己未有想过要演戏，纯綷选完港姐便离开，问到当年的奖品是否很丰富，谢宁笑说：「嗰阵嘅奖品系有一架车，我好简单谂住攞咗架车就走人！」
谢宁获颁的后冠相当抢眼，不过有指当时的后冠由玻璃制成，直到1995年才正式获得珠宝商的赞助，当年冠军杨婉仪更是首位获得以真钻石打造的后冠港姐！而谢宁亦解释：「其实届届都系玻璃，剩系有一年真系钻石，不过几多钱就唔知，我亦都唔记得系边届，其他咁多年都系玻璃或者会水晶，玻璃已经变晒色，权杖都系。」主持文颂娴好奇问：「跌落地会烂晒？」谢宁直认：「系架，系甩头甩髻，之后嗰几年有人系有楼，我就冇。嗰啲珠宝公司赞助攞奖品其实都冇意思，同上奖门人攞奖品差唔多，你知嗰啲钻石可以唔值钱架嘛，细细粒几百粒嗰啲迷你钻石，佢话做个心口针畀你，价值几多十万，但系问题系卖唔出，除非你拆咗佢，不过点都好有纪念价值，到依家我都有keep 住。」
谢宁小时候从内地移居香港，到了21岁参选香港小姐，成为第一位在内地出世的港姐，试过被人叫「谢灿」，谢宁说：「其实读书已经畀人咁样叫『灿妹』，细细个嗰阵梗系唔开心，而家睇番咪觉得得啖笑。嗰阵沾叔 （黄沾）真系好nice，佢喺报纸写咗段文，觉得你哋呢班人嘅父母有边个唔系喺系内地落嚟？边个有资格咁讲？而且内地好多人嚟到香港都有好多贡献，点解要用呢啲字眼，我之后见到沾叔都有多谢佢，不过我都冇理佢哋，只系做好自己本份。」
【其他阅读】
5大「御用丫鬟」近况 陈思齐曾整容失败 有人嫁入豪门住8,000尺独立屋
佘诗曼自爆为选港姐同阿妈炒大镬 早前自揭「同居新欢」唔恨结婚
波波黄婧灵「封胸」文青Look霸气侧漏 薄纱透视难掩好身材引死网民
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应