世界杯2022｜专家分析:高卢鸡能挡雄鹰展翅？
2022-12-18 14:15 
今届世界杯终局之战，乃上届十六强嘅翻版战，当时阿根廷以三比四输给法国，今届会唔会历史重演呢？艾尔觉得今届嘅阿根廷唔可以同上届相提并论。
上届由森柏奥利带领嘅阿根廷，外围赛最后一场艰难嘅胜仗，先令球队可以飞去俄罗斯。嚟到决赛周，「森帅」宁愿用希古恩、美沙、基斯甸柏云呢啲表现唔特别嘅前线球员，阿古路长居后备，不论选人、排阵定临场调动都惹人诟病，最后十六强出局，森柏奥利难辞其咎。艾尔曾经讲过今届阿根廷嘅转变，今次唔再重复。总之，上届「潘帕狮雄鹰」好似一只病入膏肓、毫无活力嘅鹰，今届已经生猛好多，表现同上届截然不同。
法国今届晋级过程睇落无乜嘢，但艾尔觉得上两仗已经暴露咗唔少问题，尤其球队完全唔做逼抢，中后场不断受压嘅时候，可以话险象环生。嚟到生死一战，球队再传出坏消息，有传华拉尼同伊巴希马干拿迪抱恙在身，乌柏美卡奴虽然好番，但状态未到十足，可能要由威廉沙列巴同班捷文柏华特顶替，而拉比奥特同京士利高文上阵未明。今仗法国可能有唔少轮换，即使前线入球稳定，但关键时刻作大幅轮换，始终系大忌。加上，艾尔觉得迪甘斯作风保守，换人亦非常迟缓，对手状态同阵容完整程度都较好，「高卢鸡」今仗未必踢得轻松。
一队要为美斯达成「有终之美」，一队要成为事隔六十年后，第二支能够卫冕成功嘅球队，最后系「鹰」定「鸡」可以夺走大力神杯？艾尔情感上是全力支持阿根廷，投注上就买全场入球大细「2.5」大，之后专心睇波算！艾尔
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
關鍵字
最新回应