古天后日志｜港股美股进入高位震荡期候回调吸纳

1月12日，大致多云，有一两阵雨，明日气温回暖，但周日稍后时间气温再度显著下降。虽然早前联储局再有官员放鹰，表示息口将维持5%一段时间，今年亦无减息空间，但美股不跌反升，道指更连升四日，隔晚再升268点；标指跟纳指分别升1.2%及1.7%。标指成功守住3800支持后，重返3900-4100嘅移动区间之内，但4100阻力唔细，不过10年期债息回落至3.5%，市场信心回复，认为下半年仍有机会减息。

早前多间大行齐齐唱淡美国经齐，当然同时唱淡美股，不过从多项经济数据分析，美国经济并唔系太差，尤其就业市场，失业率回落至3.55%，民众生活未见陷入难关之中，甚至喺收入增加，能源支持下降嘅情况下，更愿意出外消费，呢样嘢可以从零售股扭转去年弱中反映，唔少零售股已收复失地，从低回升。暂时话美国经济将陷入衰退似乎过于武断，其实所谓衰退，早于去年息差出现倒挂或已出现，并于第三季见GDP回升，喺通胀回落之际，美国经济已摆短去年上半短暂嘅衰退，嚟紧要睇住CPI跟PCE嘅回落速度，如果能够加速回落，美股有望再恢复活力，但暂时就喺现水平徘徊。

噚日讲过欧洲喺2023年呢10日八日期间，已经发行咗超过1500亿美元嘅企债，反映市场游资仍相当充裕，即使过过去年踏入加息周期，但因为之前长达超过十年嘅QE令市场一直水浸，只要市场资金充裕，股市真系唔会死得去边。尤其当美股已从高位回落咗唔少，资金更积极寻找具有价值嘅合理资产进行投资，而股市正正系资金寻找机会嘅地方。不过噚日市场都系比较审慎，尤其美股又好，港股又好，都未见再有资金喺现水平大手入货，或者都系等紧回调，加上近日不断嘅配股，亦抽去市场唔少资金。呢一轮升浪随时出现回调，又或于现水平震荡，暂时入货值博率较低，唯有静待机会，待回吐伺机收集。