何文田健身中心5个月内遭4度淋红油 天眼拍下歹徒犯案过程
2023-01-28 13:24 
何文田梭桠道11a地下一间健身中心，继去年8月被人两度淋红油后，事隔5个月，本周四（26日）及今日(28日)又先后被淋红油。健身中心外的cctv拍下歹徒淋油实况，显示今日凌晨零时许，一名男子手持一桶红油行至健身中心外，向玻璃橱窗及招牌灯箱淋泼，地面遗下大滩红油渍。直至今晨健身中心教练返回开铺时发现事件，报警求助。
前日被淋红油 今日凌晨再遭殃 每次均有报警
据姓杨健身教练透露，健身中心老板是他的友人，正在海外旅行，将锁匙交予他开开及代为打理。杨表示，健身中心开了两年多，一直做街坊生意，老板无欠债，无与人结怨，不知被淋油刑毁原因。去年8月先后两度遭人淋红油破坏，以为事隔5个月已平息，岂料前日(26日)及今日(28日)又再被破坏，他4次均到红磡警署报警。
「唔知咩原因，无非想令街坊觉得呢度有麻烦，做唔到生意，赶你走，如果有人咁憎你，或者欠钱，都系想要钱，或者打你一身，但依家系冇原因，无非有个目的，真系想赶你走，呢度冇人收陀地，又冇欠债，冇人贴过大字报追债。」
报案人声称探员曾表示「你哋识唔识黑社会可以同佢哋倾吓？」
最令杨感到大惑不解是，前日被淋红油后，他往红磡警署报案，竟有探员问他是否有相识的黑社会，「阿Sir话你哋识唔识黑社会可以同佢哋倾吓？ 我同佢讲，我哋系正当人家，点会识黑社会呀，如果识得黑社会，就唔会报警，自己都解决到啦，我系黑社会的话，唔需要劳动警方去查，我有自己方法解决啦，但我哋系正当做生意！」
其间该名探员又称「我哋（警方）咁样搵唔到、做唔到咩喎！」杨无奈回应：「阿Sir，做唔做到嘢系你哋（警方）搅，唔系我搞，咁我交税嚟做咩啫？」
杨又坦言，他友人打开门做生意，不会硬sell ，服务态度良好，不明歹徒动机。他又指前日发生淋油后，他立即去报案，凶徒竟隔一天又犯案，以为警察会加强巡逻，岂料有人变本加厉。「我哋要做嘅嘢都做晒，我哋都做唔到咩嘢，做唔做到嘢系警察嘅事。」
他说健身中心开设两年，刚刚续新租约两个月，他与老板一直合作愉快，岂料多次被人刑毁，「如果个个都系咁，真系唔使做生意！」
《星岛头条》APP经已推出最新版本，请立即更新，浏览更精彩内容：https://bit.ly/3yLrgYZ
最新回应